काठमाडौं । अमेरिकाको ४७ औं राष्ट्रपतिमा रिपब्लिकन उम्मेदवार डोनाल्ड ट्रम्प निर्वाचित हुनुभएकाे छ । ट्रम्प डेमोक्रयाट उम्मेदवार उपराष्ट्रपति कमला ह्यारिसलाई पराजित गरेर दोस्रो कार्यकालका लागि राष्ट्रपति निर्वाचित हुनुभएकाे हाे ।
यद्यपि निर्वाचन आयोगले आधिकारिक नतिजाकाे घोषणा गर्न भने बाँकी नै छ ।
सन् २०१६ मा पहिलो पटक राष्ट्रपति निर्वाचित हुनुभएका ट्रम्प २०२० को चुनावमा भने डेमोक्रयाट उम्मेदवार जो बाइडेनसँग पराजित हुनुभएकाे थियाे ।
आफ्नाे जीत निश्चित भएपछि फ्लोरिडास्थित आफ्नो निर्वाचन अभियानको मुख्यालयमा उपस्थित समर्थकहरूको भीडलाई सम्बोधन गर्दै नेता ट्रम्पले रिपब्लिकनहरूले आजको दिनलाई ‘आफ्नो जीवनको सबभन्दा महत्त्वपूर्ण दिनमध्ये एक मान्ने’ बताउनुभयाे ।
सम्बोधनका क्रममा उहाँले आफ्नी श्रीमती मेलानियाका साथै परिवारका सदस्यसहित सम्पूर्ण शुभेच्छुक मतदाताहरूलाई धन्यवाद समेत दिनुभएकाे थियाे । यतिखेर ट्रम्पलाई विश्वका नेताहरूको बधाईको ओइरो लागेकाे छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच