सर्लाही । हरिपुरस्थित नेपाल बैंकले आफ्नो ८८औँ वार्षिकोत्सवका अवसरमा पद्म भुवनेश्वरी नमुना वृद्धाश्रम, लालबन्दी २ जुटपानीका वृद्धवृद्धाहरूलाई फलफूल वितरण गरेको छ । शुक्रबार आयोजित उक्त अवसरमा शाखा प्रबन्धक अनिलकुमार महतोको नेतृत्वमा सरस्वतीकुमारी साह, रघुनन्दन चौधरी, स्मृताकुमारी यादव, कल्पना भट्टराई, तिलकराज श्रेष्ठ र विकीकुमार यादवको सहभागिता थियो ।
बैंकले वृद्धाश्रमका वृद्धवृद्धाहरूप्रति सम्मान व्यक्त गर्दै स्वास्थ्य र सुखद जीवनको कामना गरेको छ । बैंकको शुक्रबार काठमाडौंमा आयोजित ८८ औँ वार्षिकोत्सव समारोहमा बोल्दै नेपाल राष्ट्र बैंकका गभर्नर महाप्रसाद अधिकारीले फेरि मिस म्यानेजमेन्ट नहुने गरी काम गर्न बैंक व्यवस्थापनलाई निर्देशन दिनुभएको थियो । नेपाल बैंकमा राज्यको ठूलो लगानीका साथै विदेशी ऋणमार्फत् रिकभर गरिएकाले आगामी दिनमा फेरि मिस म्यानेजमेन्ट भएको विषय सुन्नुनपर्ने गरी काम गर्न उहाँले व्यवस्थापनलाई सचेत गराउनुभएको हो ।
हाल बैंकको चुक्ता पुँजी १४ अर्ब ६९ करोड ४० लाख रुपैयाँ रहेको छ भने दुई खर्ब ९० अर्ब रुपैयाँ निक्षेप संकलन गरेर दुई खर्ब १५ अर्ब रुपैयाँ कर्जा लगानी गरेको छ । बैंकमा सरकारको ५१ प्रतिशत र सर्वसाधारणको ४९ प्रतिशत सेयर स्वामित्व रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच