काठमाडौं । यही मंसिर १४ गतेदेखि सिनेमाघरमा आउने तयारीमा रहेको चलचित्र ‘सत्या’को ट्रेलर सार्वजनिक गरिएको छ । चलचित्रको आइतबार सिटी स्क्वायर मल, सामाखुशीस्थिति क्युएफएक्स सिनेमामा एक कार्यक्रमबीच ट्रेलर सार्वजनिक गरिएको हो । मिलन आलेमगरको निर्देशनमा निर्माण भएको यो चलचत्रको साढे दुई मिनेट लामो टे«लरमा एक्शनलाई विशेष जोड दिइएको छ । विकास थापामगरको प्रस्तुति रहेको चलचित्रमा राज कालाखेती, प्रिया शर्मा, करणसिंह बोहरा, विकास थापामगर, वर्षा थिङ, सुमन खत्री, तेजा ऐर, ममता पौडेललगायत कलाकारको अभिनय छ ।
ट्रेलर सार्वजनिक कार्यक्रममा निर्देशक आलेमगरले ‘सत्या’ केही समयअघि निर्माण गरिएको भए तापनि समयसान्दर्भिक रहेको बताउनुभयो । प्रस्तुतकर्ता तथा अभिनेता विकास थापामगरले चलचित्रको नायिका तथा केही निर्माता बिदेशमा रहेकाले प्रदर्शनमा अलि ढिला भएको बताउँदै ‘सत्या’ भरपुर मनोरञ्जक बनेको दाबी गर्नुभयो । यसै चलचित्रबाट अभिनयमा पाइला रख्नुभएका राज कालाखेतीले ‘सत्या’बाट आफू निकै आशावादी रहेको बताउनुभयो । उहाँले पछिल्लो समय एक्शन चलचित्रप्रति दर्शकको रुचि बढेकाले आफ्नो चलचित्र पनि दर्शकले मन पराउने विश्वास व्यक्त गर्नुभयो ।
धनेश्वर फिल्मस् एण्ड एडभरटाइजिङको प्रस्तुत रहेका ‘सत्या’को निर्मातामा सुमन खत्री र झुम्कादेवी कालाखेती हुनुहुन्छ । विकास थापामगरको प्रस्तुति रहेको यो चलचित्रको स्क्रिप्ट श्रवण सम्राटले लेख्नुभएको हो । सुमनकुमार तण्डुकारले खिचेको चलचित्रका गीतमा विकास चौधरीको संगीत, रामजी लामिछाने, सुरेश पाण्डे र सुरेन बसेलको कोरियोग्राफी तथा तारा थापा ‘किम्भे’को सम्पादन छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच