काठमाडौं । नेपाल उद्योग परिसंघ(सिएनआई)को वरिष्ठ उपाध्यक्षमा वीरेन्द्रराज पाण्डे चयन हुनुभएको छ । सिएनआईको आइतबार बसेको गभर्निङ काउन्सिल समितिले विधानअनुरूप पाण्डेलाई वरिष्ठ उपाध्यक्ष चयन गरेको हो ।
सिएनआईकोे विधानअनुसार वरिष्ठ उपाध्यक्ष नयाँ कार्यकालका लागि स्वतः अध्यक्ष हुने व्यवस्थाअनुसार आगामी वार्षिक साधारणसभापछि पाण्डे स्वतः सिएनआईको अध्यक्ष बन्नुहुनेछ ।
२०७२ सालदेखि सिएनआईको राष्ट्रिय परिषद् सदस्यसँगै विभिन्न समितिमा रहेर काम गरिसक्नुभएका पाण्डे २०७५ देखि सिएनआईको उपाध्यक्ष रहनुभएको छ । काठमाडौंमा जन्मनुभएका पाण्डे तीन दशकदेखि निरन्तर निर्माण उद्योगमा हुनुहुन्छ ।
सिभिल इञ्जिनियरिङ, आवास र शहरी विकास, सडक तथा पुल, जलस्रोत व्यवस्थापन, संरचनात्मक प्रबलीकरणमा दख्खल राख्नुहुने उहाँ नेपाल आदर्श निर्माण कम्पनीका कार्यकारी निर्देशकका साथै हरित सामग्री निर्माण, कृषि तथा शिक्षा क्षेत्रमा समेत सक्रिय हुनुहुन्छ ।
पाण्डेको लामो अनुभव तथा विज्ञताले सिएनआईलाई थप गतिशील बनाउँदै देशको अर्थतन्त्र सुधारका लागि नीतिगतरूपमा उहाँले महत्वपूर्ण भूमिका खेल्नुहुने सिएनआईको विश्वास रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच