लण्डन । आर्सनल इंग्लिस फुटबल लिग कप (कारबाओ)को सेमिफाइनलमा प्रवेश गरेको छ । बुधबार इमिरेट्स रंगशालामा क्रिस्टल प्यालेसविरुद्ध ३-२ को रोमाञ्चक जित दर्ता गर्दै घरेलु टोली आर्सनल सेमिफाइनलमा प्रवेश गरेको हो । आर्सनललाई जिताउन ग्याब्रियल जिससले उत्कृष्ट प्रदर्शन गर्नुभयो ।
आर्सनललाई जित दिलाउन जिससले हृयाट्रिक गर्दा क्रिस्टलका लागि जान फिलिप माटिया र एडी एनकेइटाले गोल गर्नुभयो । खेलको चौथो मिनेटमै माटियाको गोलमार्फत् क्रिस्टलले अग्रता लिएको थियो । ५४औँ मिनेटमा जिजसले आर्सनलका लागि बराबरी गोल फर्काउनुभयो ।
जिससले ७३ र ८१औँ मिनेटमा गोल गर्दै हृयाट्रिक पूरा गर्दा आर्सनल ३-१ ले अगाडि रहृयो । निर्धारित समय सकिन बाँकी रहँदा एनकेइटाले गोल गर्दै क्रिस्टललाई खेलमा फर्काउने प्रयास गरे पनि त्यो पर्याप्त बन्न सकेन ।
यसैगरी घरेलु टोली साउथहृयाम्पटनविरुद्ध २-१ को रोमाञ्चक जित निकाल्दै लिभरपुल पनि कारबाओको सेमिफाइनलमा प्रवेश गरेको छ । सेन्टमेरिज रंगशालामै लिभरपुललाई जित दिलाउन डार्विन नुनेज र हार्भे इलियटले गोल गर्नुभयो । साउथहृयाम्पटनका लागि क्यामरोन आर्चरले गोल फर्काउनुभयो । खेलको २४औँ मिनेटमा नुनेजको गोलमार्फत् लिभरपुलले अग्रता लिएको थियो । आठ मिनेटपछि इलियटले टोलीको अग्रता दोब्बर बनाउनुभयो । आर्चरले ५९औँ मिनेटमा गोल गर्दै साउथहृयाम्पटनलाई खेलमा फर्काउने प्रयास गरे पनि त्यो पर्याप्त बन्न सकेन ।
अर्को खेलमा ब्रेन्टफोर्डविरुद्ध ३-१ को जित निकाल्दै न्युक्यासल युनाइटेडले पनि सेमिफाइनलको यात्रा तय गरेको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच