सर्लाही । सर्लाहीको हरिवनमा राष्ट्रिय सहकारी बैंक हरिवन शाखाको आयोजनामा दुईदिने क्षमता अभिवृद्धि तालिम प्रदान गरिएको छ । तालिम कार्यक्रम शाखा संयोजन अध्यक्ष केशव ढकालको अध्यक्षतामा भएको हो । राष्ट्रिय सहकारी बैंकका प्रशिक्षक राजकुमार बरालले सहकारी सञ्चालनका विभिन्न आयाम र चुनौती समाधानका उपायबारे प्रशिक्षण दिनुभएको तालिममा हरिवन शाखा सेवा क्षेत्रमा रहेका २० सहकारीका अध्यक्ष र व्यवस्थापक गरी ४० जनाको सहभागिता थियो ।
तालिमले सहकारी सञ्चालनका क्रममा आउने समस्या समाधानका उपाय, संस्थागत प्रक्रियामा सुधार र व्यवसाय प्रवद्र्धनका विधिबारे सहभागीहरूलाई जानकारी प्रदान गरेको थियो । राष्ट्रिय सहकारी बैंक हरिवन शाखाका प्रमुख नारायण लामिछानेका अनुसार तालिमले सहकारी संस्थाका प्रमुख र व्यवस्थापकलाई सरकारको नयाँ कानुन, नीति र नियमावलीका विषयमा पनि सचेत गराएको छ ।
कार्यक्रममा सहकारी संस्थाका सदस्यहरूसँग व्यवहार गर्ने तरिका, सञ्चालक समिति तथा व्यवस्थापकको काम, कर्तव्य र अधिकारका साथै व्यवसाय विस्तार गर्न आवश्यक रणनीतिबारेमा पनि चर्चा गरिएको थियो । सामुदायिक सञ्चार एकताका प्रतिनिधि माधव खरेलका अनुसार तालिमले सहकारी संस्थाका सदस्य र व्यवस्थापकलाई सहकारी सञ्चालनमा आउने समस्या समाधान गर्न थप दक्ष बनाउने विश्वास गरिएको छ ।
साथै, जिल्लाभरिका सहकारीले सहकार्य गरेर समस्या समाधान गर्ने विषयमा समेत प्रशिक्षण प्रदान गरिएको थियो । राष्ट्रिय सहकारी बैंक हरिवन शाखाका अनुसार तालिमले सहकारी क्षेत्रमा व्यवस्थित र प्रभावकारी व्यवस्थापनको मार्ग प्रशस्त गर्ने अपेक्षा गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच