मड्रिड । ला लिगा फुटबलमा रियल मड्रिडले सानदार जित हात पारेको छ । फ्रान्सका स्टार खेलाडी केलियन एमबाप्पेले हृयाट्रिक गरेपछि आइतबार बिहान रियलले भालाडोलिडविरुद्ध ३-० को सानदार जित हात पारेको हो । रियलमा एम्बाप्पेको यो पहिलो हृयाट्रिक हो । ३०औँ मिनेटमा पहिलो गोल गर्नुभएका एम्बाप्पेले ५७औँ मिनेटमा अर्को गोल थप्नुभयो । इन्जुरी समयमा पेनाल्टीमा गोल गर्दै एम्बाप्पेले हृयाट्रिक पूरा गर्नुभयो । रियलबाट पहिलो हृयाट्रिक गर्नुभएका एम्बाप्पेको यो सिजन १५ गोल पुगेको छ ।
जितसँगै ला लिगाको अंक तालिकामा शीर्ष स्थानमा रहेको रियलको अग्रता थप बलियो बनेको छ । सिजनको मध्य बिन्दु पार गरेपछि आफ्नो उपाधि रक्षा गर्ने अवस्थामा रियल पुगेको छ । ला लिगामा रियलको यो लगातार चौथो जित हो । रियलले आफ्नो सिटी प्रतिद्वन्द्वीमाथि चार अंकको अग्रता कायम गरेको छ । रियलले २१ खेलबाट ४९ अंक पुर्याएको छ । तेस्रो स्थानमा रहेको बार्सिलोना १० अंकले पछाडि छ ।
पेरिस सेन्ट-जर्मेन (पिएसजी)बाट रियल आउनुभएका एम्बाप्पेको सुरुको प्रदर्शन अस्थिर थियो । तर, पछिल्लो समय भने उहाँ लयमा देखिनुभएको छ । पछिल्ला दुई खेलमा लगातार एकभन्दा बढी गोल गर्नुभएका एम्बाप्पेले रियललाई उत्कृष्ट लयमा फर्काउनुभएको छ । ‘हृयाट्रिक गर्न पाउँदा निकै खुसी छु । तर, जित निस्किँदा अझ बढी खुसी छु,’ जितपछि एम्बाप्पेले भन्नुभयो, ‘एट्लेटिकोको नतिजापछि हामीलाई थोरै दबाब थपिएको थियो । त्यसलाई कम गर्न यो जित अत्यन्त महत्वपूर्ण थियो ।’ एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच