काठमाडौँ । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंले काठमाडौंबासी ब्युँझिन आग्रह गर्नुभएको छ ।
शनिवार सिफलमा आयोजित प्रदशर्नमा बोल्दै प्रसाईंले काठमाडौंबासी आन्दोलनमा नआएकोमा असन्तुष्टि जनाउँदै उनीहरु अझै नबुझे घरको लालपुर्जा मारवाडीको हातमा पुग्ने चेतावनी दिनुभयो ।
उहाँले पुस मसान्त पछाडि काठमाडौंवासीको हातमा घरको लालपूर्जा समेत नहुने बताउनु भयो । यहि तरिकाले बाहिर ननिस्कन हो भने केही समय पछि काठमाडौंमा स्याल कराउने उहाँले बताउनु भयो ।
उहाँले भन्नुभयो, काठमाडौंबासी हो,तिमीहरुलाई लाज त लाग्छ होला । कट्टु खुस्केर गइसकेको छ । लाज हातले छोपेर म त खुसी छु भन्दैछौ साथीहरु हो । अब थाहा हुन्छ, पुस मसान्तपछि काठमाडौंबासीहरु तिमीहरु बिउँझिदा तिम्रो हातमा लोटा र केही मारवाडी तस्करको हातमा तिम्रो घरको लालपुर्जा हुनेछ । तिमीहरुलाई मैले सम्झाउन खोजेँ ।’
उहाँले युवाहरु विदेसिएको र देशमा बस्न नसक्ने अवस्था नरहेको भन्दै काठमाडौँ खाली हुने जिकिर समेत गर्नुभयो ।
उहाँले भन्नुभयो, काठमाडौं,ललितपुर,भक्तपुर,किर्तिपुरका तपाईहरुको होस खुलोस् । ७० प्रतिशत सटर बन्द भइसके । यी घरहरु अब खाली हुन्छन्,भाडामा बस्ने मान्छे पाइने छैनन् । अब कतिदिन टिक्नुहुन्छ काठमाडौंबासी हो ? तपाईहरु बाहिर आउन ढिला गरेमा काठमाडौंमा स्याल रुने दिन आउनेछन् ।’
हिजो राजा जनताकै शक्तिले लखटेको भएपनि आज तिनै नेताका कारण देशमा राजा चाहिएको उहाँको भनाइ थियो ।
कुनै समय राजा पृथ्वीनारायण शाहले नेपाल एकीकरण गरेको, त्यसपछि राजा महेन्द्रले उद्योगको मार्गमा लगेको र अब दुर्गा प्रसाईंको उत्पति भएको उहाँले बताउनु भयो । आफूले जनताको विद्रोह थाल्दा कालोमोसो दल्नेहरु र प्रतिबन्ध लगाउनेलाई आफ्नो जनविद्राहले प्रतिबन्ध लगाउने पनि उहाँले बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच