
लण्डन । आर्सनलले शीर्ष स्थानको लिभरपुलसँग अंक दूरी घटाउने अवसर गुमाएको छ । शनिबार राती इमिरेट्स मैदानमा वेस्टहृयाम पराजित हुँदै आर्सनलले अंक दूरी घटाउने अवसर गुमाएको हो । जारोड बोवेनको एकमात्रै गोल वेस्टहृयामलाई जित दिलाउन पर्याप्त बन्यो ।
उहाँले आरोन वान बिसाकाको पासमा गोल गर्नुभएको थियो । माइल्स लुइस-स्केलीले ७३औँ मिनेटमा रातो कार्ड बेहोर्दै मैदान छाडेपछि आर्सनल १० खेलाडीमा समेटिएको थियो । दोस्रो स्थानको आर्सनलको २६ खेलमा ५३ अंक छ जुन लिभरपुलभन्दा आठ अंक कम हो । जित हात पारेको वेस्टहृयाम समान खेलबाट ३० अंकका साथ १६औँ स्थानमा छ ।
लिगअन्तर्गत शनिबारै सम्पन्न अन्य खेलमा उल्भरहृयाम्पटनले बर्नमाउथलाई १-०, टोटनहमले इप्सबीच टाउनलाई ४-१, ब्राइटनले साउथहृयाम्पटनलाई ४-०, क्रिस्टल प्यालेसले फुलहमलाई २-० तथा एस्टन भिल्लाले चेल्सीलाई २-१ ले पराजित गरे । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच