पत्रकार मर्यादित हुनुपर्छ, प्रेस स्वतन्त्रताको पक्षमा काँग्रेस दृढतापूर्वक उभिन्छः श्याम घिमिरे

हिमालय टाइम्स

२१ फाल्गुन २०८१, बुधबार १८:४२

Read Time = 3 mins

डिजिटल संस्करण

समाचार

A A- A+

काठमाडौं । नेपाली काँग्रेसका प्रमुख सचेतक श्यामकुमार घिमिरेले प्रश्न सोध्दा पत्रकारहरु मर्यादित हुनुपर्ने बताउनुभएको छ ।

बुधवार संसद भवन बाहिर सञ्चारकर्मीहरुसँग कुरा गर्दै उहाँले यस्तो बताउनुभएको हो । उहाँले प्रेस तथा अभिव्यक्ति स्वतन्त्रताको पक्षमा नेपाली कांग्रेस दृढतापूर्वक उभिने बताउनु भयो ।

उहाँले भन्नुभयो, ‘प्रेस स्वतन्त्रताको पक्षमा काँग्रेस दृढताका सात उभिन्छ । अभिव्यक्ति स्वतन्त्रताको पक्षमा कांग्रेस दृढतापूर्वक उभिन्छ । तर मर्यादित भइदिन चाहीँ म पत्रका साथीहरुलाई व्यक्तिगत तर्फबाट पनि विनम्र अनुरोध गर्दछु ।’

राष्ट्रिय प्रजातन्त्र पार्टीका प्रमुख सचेतक ज्ञानबहादुर शाही शाहीले सरकारले मन्त्रिपरिषद्को बैठकबाट नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने खोजेको आरोप लगाउनु भयो । उहाँले सरकारले कुलमानलाई हटाए सरकार पनि हटाउने चेतावनी दिनुभयो ।

उहाँले भन्नुभयो, ‘नेपाल विद्युत प्राधिकरणका कार्यकारी निर्देशक कुलमान घिसिङलाई आजको मन्त्रिपरिषदको बैठकले हटाउन निर्णय गर्न खोज्दैछ, हामी यस्को घोर विरोध गछौँ । र सडक र सदनबाट दबाब दिनुपर्छ । सरकारलाई हामी भन्न चाहन्छौ, कुलमान हटाउँदा तपाईको सरकार पनि हट्ला है ।’

राष्ट्रिय स्वतन्त्र पार्टीका सांसद गणेश पराजुलीले विदेशमा बस्ने नेपालीलाई नागरिकतामार्फत जोड्ने प्रक्रियासँग डराएर फ्रि भिसाको कुरा गरेको आरोप लगाउनु भयो ।

उहाँले भन्नुभयो, ‘विदेशमा बसेका नेपालीहरुलाई नागरिकतामार्फत नेपालसँग जोड्ने प्रक्रियासँग डराएर आज सरकार फ्री भिसाको कुरा गरिरहेको छ । आज सदनमा प्रस्तुत गर्दै गरेको सुशासन प्रवद्र्धन तथा सार्वजनिक सेवा प्रवाहसम्बन्धीकेही नेपाल ऐन सम्शोधन गर्न बनेको अध्यादेशमार्फत गैरआवासीय नेपालीलाई जसलाई नागरिकता दिइएको छ । नागरिकता दिएर नेपालसँग जोड्ने प्रक्रियामा जुन कानून बनाएको छ त्यसको खिल्ली उठाउँदै उनीहरुलाई फ्री भिसाको कुरा गरिरहेको रहेछ, सरकार किन डराउँछ विदेशमा बस्ने नेपालीहरुसँग ?’

संसद सचिवालयले दुई जना पत्रकारको पास निलम्वन गर्नु अभिव्यक्ति स्वतन्त्रताको विरुद्ध भएको उहाँहरुको भनाइ छ ।

सरोकार

कांग्रेस

यो खबर पढेर तपाईलाई कस्तो महसुस भयो ?