लण्डन । लिग लिडर लिभरपुलले इंग्लिस प्रिमियर लिगको उपाधि सम्भावनालाई अझ बलियो बनाएको छ । घरेलु मैदानमा साउथहृयाम्पटनलाई ३-१ ले पराजित गर्दै लिभरपुलले उपाधि सम्भावना बलियो बनाएको हो । जितसँगै शीर्ष स्थानको लिभरपुलले आर्सनलसँग १६ अंकको दूरी बनाएको छ । २९ खेल खेलेको लिभरपुलको ७० अंक पुगेको छ । दुई खेल कम खेलेको आर्सनलको ५४ अंक छ ।
साउथहृयाम्पटन भने नौ अंकसहित रेलिगेसन जोनमा छ । लिभरपुलको जितमा मोहम्मद सलाहले दुई गोल गर्नुभयो । एक गोल भने डार्विन नुनेजको नाममा रहृयो । पहिलो हाफको इन्जुरी समयमा स्मलबोनको गोलमार्फत् साउथहृयाम्टनले अग्रता लिएको थियो । तर, टोलीले दोस्रो हाफमा त्यसलाई जोगाउन सकेन ।
डार्विन नुनेजले ५१औँ मिनेटमा लिभरपुलका लागि बराबरी गोल गर्नुभयो । त्यसको चार मिनेटपछि नै सलाहले पेनाल्टीमार्फत् गोल गर्दै लिभरपुललाई २-१ को अग्रता दिलाउनुभयो । स्मलबोनले नुनेजलाई बक्सभित्र फउल गरेपछि लिभरपुलले पेनाल्टीको अवसर प्राप्त गरेको थियो । निर्धारित समय सकिन दुई मिनेट बाँकी रहँदा सलाहले पेनाल्टीमार्फत् नै व्यक्तिगत दोस्रो गोल गर्दै टोलीलाई ३-१ को सहज जित दिलाउनुभयो । टेलर हरउड-बेलिसले बक्सभित्र हृयाण्ड गरेपछि लिभरपुलले दोस्रो पेनाल्टीको अवसर पाएको थियो ।
लिभरपुलले उपाधि सम्भावना बलियो बनाइरहँदा म्यानचेस्टर सिटीको च्याम्पियन्स लिगको सम्भावना अझ कमजोर बनेको छ । नटिङघम फरेस्टसँग १-० ले पराजित भएसँगै सिटीको च्याम्पियन्स लिगको सम्भावना अझ कमजोर बनेको हो । घरेलु मैदानमा भएको प्रतिस्पर्धात्मक खेलमा सिटीका गोलकिपर एडर्सन मोराएस नजिकको पोष्टमा विंगर क्यालम हड्सन-ओडोईको प्रहार रोक्न असफल हुनुभयो । उहाँले ८३औँ मिनेटमा गरेको गोल नै निर्णायक बन्यो । पछिल्लो सिजन रेलिगेसनको जोखिममा परेको फरेस्टले हाल चौथो स्थानमा रहेको सिटीसँगको दूरी चार अंकले बढाएको छ । फरेस्टको २८ खेलबाट ५१ र सिटीको समान खेलबाट ४७ अंक छ ।
पछिल्ला चार सिजन लगातार प्रिमियर लिगको उपाधि जितेको सिटी यो सिजन पाँचौं उपाधि जित्ने दौडबाट लगभग बाहिर भइसकेको छ । अब उसले शीर्ष पाँचमा परेर च्याम्पियन्स लिगका लागि छनोट हुन संघर्ष गर्नुपर्नेछ । सिटीले सन् २०२४ को अन्त्यमा खराब प्रदर्शन गरेपछि केही सुधार गरेको छ । तर, पछिल्ला पाँच लिग खेलमध्ये तीनमा पराजय बेहोरिसकेको छ । लिभरपुल, आर्सनल र फरेस्टविरुद्ध सिटीले हारको सामना गर्न परेको हो । फरेस्टले लिगमा अब १० खेल खेल खेल्नेछ । योसँगै सन् १९७९ र १९८० मा ब्रायन क्लफको नेतृत्वमा जितेको युरोपियन कप (हालको च्याम्पियन्स लिग) पुनः खेल्ने सपना पूरा गर्न प्रयास पनि गर्नेछ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच