काठमाडौं । स्वास्थ्य बीमा बोर्डका नवनियुक्त कार्यकारी निर्देशक डा. रघुराज काफ्लेले बोर्डमा वित्तीय दीगोपना स्थापित गर्न आफूले महत्वपूर्ण भुमिका खेल्ने बताउनुभएको छ ।
शुक्रवार स्वास्थ्य बीमा बोर्डको कार्यालयमा पदभार ग्रहण गर्दै उहाँले यस्तो बताउनुभएको हो । उहाँले बोर्डले प्रवाह गर्ने स्वास्थ्य सेवा सरल, सुलभ र गुणस्तरीय बनाउने प्रतिवद्धता व्यक्त गर्नुभयो । उहाँले बोर्डले दिने सेवा प्रभावकारी बनाउन सुशासनको महत्वपूर्ण भुमिका रहने भएकाले सुशासन कायम गर्न लागि पर्ने बताउनु भयो ।
उहाँले आफ्नो कार्यकालमा सर्वव्यापी स्वास्थ्य सहभागिता सुनिश्चित गर्ने दाबी गर्नुभयो ।
उहाँले भन्नुभयो, ‘मैले चार वर्षको अवधिमा चार प्लस एक पाँच काम गरेर बाहिरिने छु । एउटा युनिभर्सल हेल्थ कभरेज सर्वव्यापी स्वास्थ्य सहभागिता सुनिश्चत गर्नेछु । दोस्रो वित्तीय दीगोपना स्वास्थ्य बीमा बोर्डमा वित्तीय दिगोपना स्थापित गर्ने कुरामा मेरो महत्वपूर्ण भूमिका रहने छ । तेस्रो विषय बोर्डले प्रवाह गर्ने अर्थात बोर्डले सेवाप्रदायक संस्थाहरुमार्फत् प्रवाह गर्ने स्वास्थ्य सेवा सरल, सुलभ र गुणस्तरीय हुने छन् । त्यसमा अहिले दिइ राखेको सेवामा थप गुणस्तरीयता र सहजता प्रदान गरिने छ । चौथो विषय बोर्डको संस्थागत क्षमता सुदृढ बनाउने कुरा रहने छ । यी चारवटा विषय मेरा चार वर्षका प्रतिवद्धता हुन् । र यसमा अर्को एउटा महत्वपूर्ण विषय चारवटै विषयमा जोडिने मैले चार प्लस एक भनेर सुशासनलाई भनेको छु । सुशानको पाटो मैले व्यक्त गरेको प्रतिवद्धता पूरा गर्नका लागि सबै ठाउँमा उत्तिकै महत्वपूर्ण हुने हुँदा त्यसलाई सबै पक्षमा लैजाने मेरो चार प्लस एकको प्रतिवद्धता चार वर्षमा पुरा गर्ने भनेर मैले भनेको छु ।’
कार्यकारी निर्देशक डा काफ्लेले सात सय ५३ वटै पालिकाबाट बिस्तारित स्वास्थ्य बीमाबाट लाखौँ सर्वसाधारण लाभान्वित भएको बताउनु भयो । सेवा प्रवाहमा देखिएका समस्याहरु बोर्डले नीतिगत निर्णय गरेर समाधान गर्ने उहाँको भनाइ छ । उहाँले सेवा प्रवाहका लागि देखिएका आर्थिक समस्याहरु सरकारसँग सहकार्य गरेर समाधान गर्ने प्रतिवद्धता व्यक्त गर्नुभयो ।
उहाँले भन्नुभयो, ‘लाखौ नागरिक यसबाट लाभान्वित छन् । चार सय ८५ सेवा प्रदायकहरुले सेवा प्रवाह गरेका छन् र सात सय ५३ पालिकामा यो सेवा बिस्तार गरिएको स्थिति छ । ति सकारात्मक उपलब्धिहरुको बीचमा केही अप्ठ्याराहरु पनि छन् । त्यो अप्ठ्यारा सम्बोधन गर्नका लागि थुप्रै उपायहरु हामी प्रस्तुत गर्ने छौँ । बीमा बोर्डको नेतृत्वसँग बसेर नीतिगत निर्णयहरु गर्नेछौँ । स्वास्थ्य तथा जनसंख्या मन्त्रालयसँग सहकार्य गर्नेछौँ, नेपाल सरकारसँग सहकार्य गर्नेछौँ । र आर्थिक अप्ठ्याराहरु त्यो कुरालाई सम्बोधन गर्नका लागि भनेरै मैले प्रस्तुत गरेको प्रतिवद्धतामध्ये दीगोपन भनेको छु त्यसैमा जोडिएको छ । यसलाई रातारात समाधान गरिन्छ भन्दा पनि निश्चित समयभित्र यो समस्याको सम्बोधन हुन्छ ।’
कार्यकारी निर्देशक डा। काफ्लेले अहिले भइरहेको स्वास्थ्य सेवाको प्याकेजमा पुनरावलोकन गर्ने बताउनु भयो । सेवा प्रदायकलाई आश्वस्थ पारेर स्वास्थ्य बीमालाई प्रभावकारी रुपमा कार्यान्वयन गर्न संस्थागत रुपमा अगाडि बढाउने उहाँको भनाइ छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच