काठमाडौं । कञ्चनजंघा हिमालको पहिलो सफल आरोहणको ७० वर्ष पूरा भएको अवसरमा कञ्चनजंघा संरक्षण क्षेत्र व्यवस्थापन परिषद्ले तीनदिने विशेष कार्यक्रम सञ्चालन गर्ने भएको छ । आइतबार काठमाडौंमा पत्रकार सम्मेलन गर्दै परिषद्ले उक्त तीनदिने कार्यक्रमको नाम ७०औँ वार्षिकोत्सव (के७०) दिएको जनाएको छ । आयोजकका अनुसार कार्यक्रम आगामी वैशाख ५ देखि ७ गतेसम्म ताप्लेजुङको फक्ताङ्लुङ गाउँपालिका–५, लेलेपमा हुनेछ । कार्यक्रममा समृद्ध पहाड र नेपाल पर्वतारोहण संघले समेत सहकार्य गर्नेछन् ।
आरोहणको ७० वर्ष पूरा भएका अवसरमा इतिहासमा विशेष योगदान पु¥याएका पर्वतारोही, शेर्पा गाइड, अनुसन्धानकर्ता र पर्वतीय अभियन्ताहरूलाई सम्मान गरिनेछ । कार्यक्रमले स्थानीय समुदाय, विभिन्न संघसंस्था र विभिन्न सरोकारवाला निकायलाई एकसाथ जोडिन मद्दत पुग्ने आयोजकको विश्वास रहेको छ । पर्वतीय पर्यटन प्रवद्र्धन, हिमाल संरक्षण, ऐतिहासिक उपलब्धिको कदर, स्थानीय समुदायको समृद्धि र दिगो पर्वतारोहण प्रचारप्रसार एवं रणनीतिक विकास जस्ता उद्देश्य कार्यक्रमको रहेको समृद्ध पहाडका प्रमुख कार्यकारी अधिकृत सञ्जीव न्यौपानेले बताउनुभएको छ ।
हिमाली परिस्थिति प्रणाली संरक्षण, जलवायु परिवर्तनले कञ्चनजंघा हिमाल र आसपासका क्षेत्रहरूमा पारेको असरबारे सचेतना जगाउने, शेर्पा, लिम्बू, राईलगायतका स्थानीय समुदायको पर्वतीय पर्यटनमा योगदानलाई सम्मान गरी स्थानीय परम्परा एवं सांस्कृतिक महŒवलाई प्रचार–प्रसार गरिने उहाँले बताउनुभयो । कञ्चनजंघा आरोहणका विविध आयामको नेपाल तथा अन्तर्राष्ट्रिय स्तरमा प्रचार–प्रसार गरी अन्तर्राष्ट्रिय पर्वतारोहीका लागि सुरक्षित, दिगो, उत्तरदायी र आकर्षक बनाउने रहेको आयोजकको दाबी छ । अप्रिल २४ मा काठमाडौंमा हुने विशेष कार्यक्रममा प्रथम नेपाली पुरुष आरोही आङ फुर्बा शेर्पा, प्रथम नेपाली महिला आरोही निमा जाङ्मु शेर्पा, मिङ्मा डेभिड शेर्पा, अभिनेत्री तथा समाजसेवी मनिषा कोइरालगायतको उपस्थिति रहने बताइएको छ । सन् १९५५ मे २५ मा बेलायती नागरिक जर्ज ब्याण्ड र जो ब्राउनले पहिलोपटक सफल आरोहण गर्नुभएको उक्त हिमाल आठ हजार छ सय ५६ मिटर अग्लो छ । जुन विश्वकै तेस्रो अग्लो हिमाल हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच