नवलपरासी । अख्तियार दुरुपयोग अनुसन्धान आयोग बुटवलकाअनुसार पश्चिम नवलपरासीका स्थानीय तहहरु विरुद्ध उजुरीका चाङ लागेको अख्तियारले जनाएको छ । जिल्लाका सात स्थानीय तहहरूमध्ये सबैभन्दा धेरै उजुरी सुनवल नगरपालिका विरुद्ध परेको छ।
अनुसन्धान अधिकृत नवराज भण्डारीका अनुसार आर्थिक वर्ष २०८१/०८२ मा सुनवल नगरपालिकाविरुद्ध ३१ वटा उजुरी परेको छ । ती मध्ये २३ वटा उजुरी फर्छ्यौट भइसकेका छन् भने ८ वटा अझै बाँकी छन् । बर्दघाट नगरपालिकामा ३० उजुरी दर्ता भएका छन्, जसबाट १७ वटा फर्छ्यौट भइसकेका छन् भने १३ वटा प्रक्रियामा छन्। पाल्हीनन्दन गाउँपालिकामा पनि ३० उजुरी परेका छन्, जसमा १३ वटा समाधान भइसकेका छन् भने १७ उजुरी बाँकी छन् ।
रामग्राम नगरपालिकामा २१ उजुरी दर्ता भएका छन्, जसमा १४ उजुरी फर्छ्यौट भइसकेका छन् भने ७ अझै बाँकी छन् । सरावल गाउँपालिकामा १५ उजुरी परेका छन्, जसमा १० वटा समाधान भइसकेका छन् भने ५ अझै बाँकी छन् ।
प्रतापपुर गाउँपालिकामा ८ उजुरी दर्ता भएका छन्, जसमा १ मात्रै फर्छ्यौट भएको छ भने ७ वटा अझै बाँकी छन् । सुस्ता गाउँपालिकामा सबैभन्दा कम १ उजुरी परेको छ, जसको फर्छ्यौट भइसकेको छ ।
अनुसन्धान अधिकृत भण्डारीका अनुसार दर्ता भएका उजुरीहरू प्रायः विकास निर्माणको गुणस्तर, लेनदेन, विद्यालयमा शैक्षिक प्रमाणपत्रको व्यवस्थापन, दिवा खाजा, कर्मचारी भर्ना प्रक्रिया, उपभोक्ता समिति गठन, तथा अन्य सेवासम्बन्धी अनियमिततासँग सम्बन्धित छन् ।
सुनवल नगरपालिकाविरुद्ध सबैभन्दा धेरै उजुरी पर्नु सेवाग्राहीहरूका गुनासोका कारण भएको अनुमान गरिएको छ । अख्तियारले बाँकी उजुरीहरूलाई यथाशीघ्र फर्छ्यौट गर्ने जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच