बैतडी । दोस्रो संस्करणको उदयदेव प्रिमियर लिग (युपिएल) क्रिकेट प्रतियोगिताको तयारी पूरा भएको छ । पाटन भ्यालि क्रिकेट क्लब पाटन बैतडीको आयोजनामा आज(शुक्रबार) देखि सञ्चालन हुने दोस्रो संस्करणको युपिएलको आन्तरिक तयारी पूरा भएको हो ।
श्री कृष्ण माध्यमिक विद्यालयको खेल मैदानमा सञ्चालन हुने टी-२० क्रिकेट प्रतियोगिताको सबै तयारी पूरा भएको क्लबका अध्यक्ष सन्तोष जोशीले बताउनुभयो । ‘प्रतियोगिताका लागि खेलमैदान तयार भैसकेको छ’ जोशीले भन्नुभयो, ‘यो संस्करणमा जिल्लाका आठ वटा क्रिकेट टिमको सहभागिता छन् ।’
शुक्रबार साँस्कृतिक झाँकीसहित प्रतियोगिताको उद्घाटन गरिने क्लबले जनाएको छ । आठ टोलीलाई चार पोलमा विभाजन गरिएको छ । प्रत्येक पोलमा दुई/दुई टिमलाई राखिएको छ । प्रतियोगिताको उद्घाटन खेलमा पाटन ११ र सिगास सेवा समाज भिड्ने छन् ।
पोल (ए) मा हिमचुली युवा सदन र बनारसी क्रिकेट क्लब, पोल (बि) मा पाटन भ्यालि क्रिकेट क्लब र सहस्त्रलिङ क्रिकेट क्लब रहेका छन् । यस्तै पोल (सि) मा धारिलो क्रिकेट क्लब र जेवाइसी थालिगडा तथा पोल (डि) मा पाटन ११ र सिगास सेवा समाज रहेका छन् । आजबाट सञ्चालन हुने प्रतियोगिताको फाइनल खेल चैत २८ गतेसम्म हुनेछ । खेलकुदलाई पर्यटनसँग जोड्ने उद्देश्यसहित प्रतियोगिताको आयोजना गरिएको जोशीले जानकारी दिनुभयो ।
प्रतियोगितामा प्रथम हुने टिमले एक लाख १११ रुपैयाँ नगदसहित ट्रफी मेडल र प्रमाण प्राप्त गर्ने भने उपविजेता टोलीले ४५ हजार ५५ रुपैयाँ नगदसहित ट्रफी मेडल र प्रमाणपत्र प्राप्त गर्नेछन् । यस्तै, म्यान अफ दि सिरिजलाई आठ हजार ८४८ रुपैयाँ, बेष्ट व्याट्स्म्यान तथा बेष्ट बलरलाई पाँच हजार ५५५ रुपैयाँ र उदयमान खेलाडीलाई दुई हजार ५२५ रुपैयाँ नगदसहित ट्रफी मेडल र प्रमाणपत्र प्राप्त गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच