देशको अस्तित्व बचाउनुपर्छ

ज्ञानेन्द्र गदाल

देश दुखेको बेला परदेशमा बसेकाहरूको मन पनि दुख्छ, माटो रोएको बेला त्यही माटोसँग सालनाल जोडिएकाहरूको मुटु पनि दुख्छ । यही भएको छ अहिले प्रवासी जीवन व्यतित गरिरहेका नेपालीहरूलाई । लोकतन्त्रको नाममा देश लुट्ने काम भइरहेको छ, जनता अब अन्तिम आश पालेर ‘तारनहार’ का रूपमा राजालाई गुहारिरहेका छन् । नपाली जनता र देशको हित एवं उन्नतिको निम्ति राजसंस्था मात्र भरपर्दो र अविभावकीय शक्ति रहेको यकिन गर्दै गणतन्त्रको खारेजी र संबैधानिक राजतन्त्रको पुनर्वहाली अपरिहार्य रहेको एकथरीले ठहरू गर्दै आएका छन् ।

क्यालिफोर्निया निवासी राष्ट्रवादी मित्र शेखर ढुंगेलको समेत सुझाव सल्लाह र सहमतिमा यो मन्तव्य तयार पारेको छु । नेपाल सरकार तथा सबद्ध सबैको मुलुकप्रति सकारात्मक ध्यान जागृत होस् । गणतान्त्रिक व्यवस्थाका नाइकेहरूबाट गरिएको नीतिगत भ्रष्टाचारको दलदलमा देश फसेको छ, राजा र जनताका पुर्खाको रगत पसिनाले सिर्जित अखण्ड नेपालको अस्तित्वमाथि विदेशी हस्तक्षेप निम्त्याइएको छ, सदियौंदेखि मानि आएको सनातन हिन्दु धर्म, मौलिक संस्कृतिसहित नेपाली जनताको धार्मिक आस्थामाथि विदेशी स्वार्थमिश्रित व्यापार गरिएको छ । जात-जाति, भाषा-भाषी र धर्म-धर्मावलम्बीको निहुँमा सामाजिक एकतामाथि बिखण्डनको बिउ रोप्ने काम भएको छ, सामाजिक विकृतिको रूपमा मात्र देखिएको जातीय वा वर्गीय विभेदलाई व्यावहारिक रूपमा मेटाउनुको साटो संविधानमै समेटेर मानिसबीचको उच्चनिचको भावनालाई वैधानिकता दिने काम गरिएको छ । अन्याय, अत्याचार, महँगी र भ्रष्टाचारले जनता पिरोलिएका छन् । युवा जनशक्ति विदेश पैठारी गरेर उनीहरूबाट रेमिटान्स भित्र्याउने धन्दा चलाइएको छ, देशमा उत्पादन शून्य छ, अर्थतन्त्र सम्पूर्ण रूपले आयातमुखी बनाइएको छ । समग्रमा, देश टाट पल्टने अवस्थामा देखिन थालेको छ ।

लोकतन्त्रको नाममा देश लुट्ने काम भइरहेको छ, जनता अब अन्तिम आश पालेर ‘तारनहार’ का रुपमा राजालाई गुहारिरहेका छन् । नपाली जनता र देशको हित एवं उन्नतिको निम्ति राजसंस्था मात्र भरपर्दो र अविभावकीय शक्ति रहेको यकिन गर्दै गणतन्त्रको खारेजी र संवैधानिक राजतन्त्रको पुनर्वहाली अपरिहार्य रहेको एकथरीले ठहरू गर्दै आएका छन् ।

यो भयावह अवस्थाबाट देशलाई निकास दिन गणतन्त्र, संघीयता र धर्मनिरपेक्षताको खारेजीसहित राजसंस्था र नेपाललाई पुनः वैदिक सनातन हिन्दु अधिराज्य बनाउने माग बोकेर लाखौं जनता सडकमा उत्रिएको वर्तमान यथार्थ जगजाहेर छ । देश विदेशमा रहने सम्पूर्ण देशभक्त नेपालीहरूको पनि यो शान्तिपूर्ण आन्दोलनमा साथ रहेको पाइन्छ । यसै सन्दर्भमा चैत १५ गते संयुक्त जनआन्दोलन आयोजक समितिले काठमाडौंमा आयोजना गरेको आमसभामा सरकार पक्ष वा गणतन्त्र बचाउ पक्षधरको नियोजित घुसपैठका कारण अराजकस्थिति पैदा गराएर ठूलो जनधनको क्षति हुनुका साथै केही निर्दोष व्यक्तिहरूको अनाहकमा ज्यानसमेत गयो । जुन अत्यन्तै आपत्तिजनक र भत्र्सनायोग्य छ । अझ उल्टै शान्तिपूर्ण जनआन्दोलनमा सहभागी रविन्द्र मिश्र, डा.धवल शमशेर राणासहित दर्जनौं राष्ट्रप्रेमी एवं देशभक्त नेता तथा युवाहरूलाई पक्रेर हिरूासतमा राख्ने काम गर्नु खेदजनक रहेको छ । यी देशभक्त योद्धाहरूको तुरुन्त रिहाइ होस् भन्ने आग्रह र मागसमेत गर्दछौं सरकारसँग ।

देशप्रति साँच्चै नै चिन्ता छ भने, देश र जनताकै निम्ति राजनीति गरेको हो भने वर्तमान सत्ताधारीहरूले अत्यन्तै गम्भीरताका साथ यस विषम परिस्थितिलाई वुद्धिमत्तापूर्वक सुल्झाउने प्रयत्न गरोस् । पक्राउ गरिएका सबै योद्धाहरूलाई तुरुन्त रिहाइ गर्नुका साथै आन्दोलनमा सहभागी वा सरोकारवाला जनताको माग र मुद्दाप्रति इमानदारीपूर्वक छलफल होस् । भ्रष्टाचारीहरूप्रति शून्य सहनशीलता अपनाएर निर्मम कारबाही गर्ने सरकारको हिम्मत देखियोस् । जोसुकै संलग्न रहेको होस् हत्या, हिंसा र आतंकप्रति हाम्रो सधैं विरोध र विमति रहेको छ र रहनेछ भने राष्ट्रको हित खातिर शान्तिपूर्ण जनआन्दोलनबाट हुने सामाजिक रूपान्तरणको हामी सधैं साथ र पक्षधर रहनेछौं ।
देशको अस्तित्व बचाउनुपर्छ
धर्म संस्कृति जोगाउनुपर्छ ।
भ्रष्टचार र अन्यायले सीमा नाघ्यो
भ्रष्टाचारीलाई पर-पर भगाउनुपर्छ ।।
कोलोराडो, अमेरिका ।