लण्डन । न्युक्यासल युनाइटेडले च्याम्पियन्स लिगको स्थानको दौडमा पकड बनाएको छ । सोमबार राती लेस्टर सिटीमाथि ३-० को सजिलो जित निकाल्दै युनाइटेडले लिगको स्थानको दौडमा पकड बनाएको हो । उता, लेस्टरले प्रिमियर लिगमा लगातार आठौं खेल गोल नगरी हार बेहोरेको छ । योसँगै लेस्टर रेलिगेसन नजिक पुगेको छ ।
जेकब मर्फीले दुई गोल गर्दै न्युक्यासललाई सानदार सुरुवात दिलाउनुभयो । खेलको दोस्रो मिनेटमै मर्फीले पहिलो गोल गर्नुभएको थियो । त्यसको केही मिनेटपछि फाबियन स्चारको हाफ लाइनबाट गरिएको प्रहार बारमा लागेर फर्किएको बलमा मर्फीले दोस्रो गोलमा परिणत गर्नुभयो । ३४औँ मिनेटमा हर्वी बान्र्सले तेस्रो गोल गर्दै न्युक्यासलको जित पक्का गर्नुभयो । डिसेम्बर ८ पछि लेस्टरले घरेलु मैदानमा गोल गर्न सकेको छैन । लेस्टर प्रिमियर लिगको इतिहासमा लगातार आठवटा घरेलु खेल गोल नगरी हार बेहोर्ने पहिलो टोली बनेको छ ।
खेलको अन्त्यतिर लेस्टरले १५ वर्षीय जेरेमी मोन्गालाई मैदानमा उतारेको थियो । उहाँ प्रिमियर लिग खेल्ने दोस्रो सबैभन्दा कान्छो खेलाडी बन्नुभएको छ । न्युक्यासल अहिले पाँचौं स्थानमा उक्लिएको छ । चौथो स्थानको चेल्सीसँग न्युक्यासलको समान अंक छ । यस सिजन इंग्ल्याण्डका क्लबहरूको राम्रो प्रदर्शनका कारण पाँचौं स्थानमै च्याम्पियन्स लिग स्थान सुनिश्चित हुने सम्भावना बलियो छ । अबको दौड निकै प्रतिस्पर्धात्मक छ । तेस्रो स्थानको नटिङघम फरेस्टदेखि सातौं स्थानको एस्टन भिलासम्म केवल ६ अंकको फरक छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच