काठमाडौं । नक्कली भुटानी शरणार्थी बनाएर ठगी गर्ने प्रकरण बारे एमाले अध्यक्ष केपी शर्मा ओलीले दोषीलाई कारबाही हुनुपर्ने बताउनु भएको छ ।
एमाले सचिव टोपबहादुर रायमाझीविरुद्ध पक्राउ पुर्जी जारी भएपछि एमाले अध्यक्ष ओलीले यस्तो बताउनु भएको हो । आज प्रधानमन्त्री प्रचण्डसँगको भेटघाट पछि बाहिरिने क्रममा एमाले अध्यक्ष ओलीले भन्नुभयो, ‘निर्दोष पर्न हुँदैन र दोषीलाई उम्काउनु हुँदैन ।‘
अध्यक्ष ओलीले बहालवाला सांसदलाई बाटोमै पक्राउ गर्नु रहस्यमय भएको टिप्पणी गर्नुभयो । साथै उहाँले निर्दोषलाई फसाउन खोजे आफूहरूले नसहने चेतावनीसमेत दिनुभयो ।
उहाँले भन्नुभयो, ‘चार वर्षअगाडि चेक काटेको छ । त्यो पनि उसैसँग रहेको कुरा छ । एउटा सांसद, उपप्रधानमन्त्री भइसकेको पार्टीको नेता षड्यन्त्रपूर्ण ढंगले बाटोमा हिँड्दाहिँड्दै समाउनु रहस्यपूर्ण छ । भागेर जाने कुरा होइन ।’
पक्राउ पुर्जीपछि आफूले पनि रायमाझीसँग फोन गरेर कुरा गरेको बताउँदै अध्यक्ष ओलीले त्यसबारे प्रधानमन्त्रीलाई पनि ध्यानाकर्षण गराएको बताउनु भयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच