राजविराज । मिटर ब्याज सम्बन्धी प्रतिस्थापन विधेयक २०८० पारित भएको खुशियालीमा मिटर ब्याज पिडितले राजविराजमा सोमबार विजय जुलुस प्रदर्शन गरेका छन् ।
जिल्लाका विभिन्न स्थानबाट सदरमुकाम राजविराज आएर पीडितहरूले विधेयकको समर्थनमा विभिन्न नारा लगाउँदै विजय -याली निकालेका हुन् ।
स्थानीय शिव मन्दिरको प्राङ्गणबाट निकालिएको -याली नगरको विभिन्न स्थान परिक्रमा गरे । मिटरब्याजी पीडित संघर्ष समिति सप्तरीका अध्यक्ष तैयव अलिको नेतृत्वमा निकालिएको विजय र्यालीमा गाउँगाउँबाट सदरमुकाम आएका पीडितहरू सहभागी थिए ।
नेपाल सरकार जिन्दाबाद, मिटरब्याजी पीडित संघर्ष समिति जिन्दावाद लगायतका नारा लगाउदै अबिर लगाएर झाँकीसहित पीडितहरूले ¥याली निकालेका छन् ।
संघर्ष समिति सप्तरीका अध्यक्ष अलिले सरकारले मिटर व्याज पीडितको समस्या सम्बोधनका लागी विधेयक ल्याएको खुशियालीमा विजय ¥याली निकालिएको बताउनु भयो । उहाँले विधेयक पारित भएकाले आफूहरूले न्याय पाउनेमा विश्वास व्यक्त गर्नुभयो ।
संघर्ष समितिका केन्द्रिय प्रतिनिधि छेदी पासवानले मिटरब्याजी पीडितको समस्याप्रति प्रचण्ड नेतृत्वको सरकार गम्भीर देखिएको बताउनु यभो । वर्तमान सरकारले पीडितको पक्षमा एकपछि अर्को असल कदम उठाएको भन्दै उहाँले बल्ल गरिब विपन्नहरूमा सरकारको महसुस हुन थालेको बताउनु भयो ।
मिटर व्याज पीडित ललिता साहले विधेयक आएसँगै लाखौं पीडितहरूले न्याय पाउने विश्वास व्यक्त गर्नुभयो । उहाँले विधेयक अविलम्ब कार्यान्वयन गर्दै पिडक माथि कडा कारबाही गर्नुपर्नेमा जोड दिनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच