काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी सम्मिलित मोन्टरिएल टाइगर्सले ग्लोबल टी=२० क्यानडा २०२३ को उपाधि जितेको छ।
आइतबार राति भएको फाइनलमा टाइगर्सले नेपाली टोलीकै लेग स्पिनर सन्दीप लामिछाने सम्मिलित सर्रे जागुअर्सलाई ५ विकेटले हराउँदै उपाधि हात पारेको हो।
सर्रेले दिएको १३१ रनको लक्ष्य टाइगर्सले निर्धारित २० ओभरमा ५ विकेट गुमाउँदै भेट्टायो।
आन्द्रे रसेल ६ बलमा १ चौका र २ छक्कासहित २० रनमा नटआउट रहे। दीपेन्द्र १७ बलमा १ चौकासहित १६ रन बनाउँदा रिटायर्ट हर्ट हुँदै क्रिज छाडेका थिए। उनको स्थानमा आन्द्रे रसेल क्रिजमा आएका थिए। शेर्फान रदरफोर्ड ३८ रनमा नटआउट रहे।
सन्दीपले ३ ओभरमा २० रन खर्चिए पनि विकेटविहीन रहे।
त्यसअघि टाइगर्सले टस जितेर फिल्डिङ रोजेपछि ब्याटिङ गरेको सर्रेले निर्धारित २० ओभरमा ५ विकेटको क्षतिमा १३० रनको योगफलत तयार पारेको थियो।
ओपनर जतिन्दर सिंह ५६ रनमा नटआउट रहे। आयन खानले २६, मोहम्मद हरिसले २३ रन थपे। लिटोन दास १२ रनमा आउट भए। टाइगर्सका लागि आयन खानले २ विकेट लिए। कार्लोस ब्रेथवेट, अब्बास अफ्रिदी र आन्द्रे रसेलले एकरएक विकेट आफ्नो नाममा गरे।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच