कालीकोट । कालीकोटको शुभकालिका गाउँपालिका–१ छात्ति भलाउनेका नयाँ सुनारका परिवारलाई शुक्रवार राहत सामाग्री हस्तान्तण गरिएको छ ।
गत असोज १६ गते शुभकालिका-१ छात्ति भलाउने स्थीत सुनारको घर भूकम्पले चर्काए र जोखिम भएपछि उहाँलाई जिल्ला विपद ब्यवस्थापन समिति मार्फत ३ वटा बलाङ्केट, १ त्रिपाल, १ सेट पिफम र १ विपद सामग्री सेट हस्तान्तरण गरिएको जिल्ला प्रशासन कार्यालय कालीकोटले जनाएको छ ।
विपद सामग्री पाएपछि आफ्नो परिवारलाई ठुलो सहयोगको महसुस भएको नयाँ सुनारले बताउनुभएको छ । सुनारले राहत सामग्री बुझ्दै भन्नुभयो आफ्नो परिवारले कालीकोट जिल्लाको शुभकालिका गाउँपालिकामा राहतको माग गर्दा सुनुवाइ गरेन जिल्ला प्रशासन कार्यालय कालीकोटले कुरा सुनेर सहयोग गर्यो यसमा म खुशी छु उहाँले भन्नुभयो ।
सामग्री हस्तान्तरण गर्दै कालीकोटका प्रमुख जिल्ला अधिकारी जोरासिंह माझीले विपद भनेको बाजा बजाएर नआउने भन्दै यसको पूर्व तयारीमा जुट्न सबैलाई आग्रह गर्दै कालीकोट विपदको उच्च जोखिममा रहेकाले सबैले सचेत रहन पनि आवश्यक रहेको बताउनुभयो ।
प्रमुख जिल्ला अधिकारी माझीले भूकम्प पीडित नयाँ सुनारका परिवारलाई लिएको राहत सामग्री सहि रुपले प्रयोग गर्ने आग्रह गर्दै विपदको समयमा जिल्ला विपद ब्यवस्थापन समिती जनताकै साथमा रहेकाले कुनै पनि किसिमको विपद आई परेमा कुनै अप्ठारो नमानि तत्काल खबर गर्ने पनि सुझाव दिनुभयो ।
उहाँले कालीकोट भूकम्पको उच्च जोखिममा रहेको बताउनु भयो । साथै विपद भन्नाले कुनै स्थानमा आपत्कालीन अवस्था सिर्जना भई जन वा धनको क्षतिको साथै जीवनयापन र वातावरणमा प्रतिकूल असर पर्ने प्राकृतिक वा गैरप्राकृतिक संकट सम्झनु पर्ने उहाँले बताउनु भयो । यस क्षेत्रमा स्थानिय तह, सरकारी तथा गैरसरकारी निकाय, राजनीतिक दल लागाएतका सबै सरोकारवालाले सकारात्मक सोचका साथ लाग्नु पर्नेमा उहाँले जोड दिनुभयो ।
राहत सामग्री हस्तान्तरण कार्यक्रमा नेपाल पत्रकार महासंघ कालीकोटका सचिव खडानन्द अधिकारी लगायतका सरोकारवालाको सहभागीता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच