नयाँदिल्ली । भारतीय टी२० क्रिकेट टोलीका कप्तान रोहित शर्माले सन्न्यास घोषणा गरेसँगै टिमको नयाँ नेतृत्वबारे चर्चा सुरु भएको छ । भारतीय सञ्चारमाध्यमहरूका अनुसार कप्तानमा हार्दिक पाण्ड्या, ऋषभ पन्त र शुभमन गिलको चर्चा छ ।
भारतीय टिमको कप्तान बन्ने दौडमा हार्दिक पाण्ड्या सबैभन्दा अगाडि हुनुहुन्छ । उहाँलाई टी२० विश्वकपका लागि भारतीय टोलीको उपकप्तान पनि नियुक्त गरिएको थियो । त्यसैले उहाँ भारतको अर्को कप्तान बन्ने अपेक्षा गरिएको छ । पाण्ड्याले कप्तानका रूपमा गुजरात टाइटन्सलाई आइपिएलमा च्याम्पियन बनाउनुभएको थियो । आइपिएल टिम मुम्बई इण्डियन्समा रोहितलाई प्रतिस्थापन गरेर कप्तान भए पनि सिजन भने खराब रहृयो ।
अब भारतको टी२० टिमको कप्तानीमा प्रमुख चार खेलाडीको चर्चा रहेको छ । जसमा हार्दिक पाण्डेय, सूर्यकुमार यादव, ऋषव पन्त र जसप्रित बुमराह कप्तानीको दौडमा सबै भन्दा अगाडी रहनुभएकाे छ । यी बाहेक शुभमन गिल र केएल राहुल समेत भारतको टी २० क्रिकेटको कप्तान बन्न सक्ने चर्चा चलिरहेको छ ।
टिमको कप्तानको दावेदारको दौडमा हार्दिक पाण्ड्या सबै भन्दा अगाडि हुनुहुन्छ । उहाँसँग टी२० अन्तर्राष्ट्रियमा १०० खेलको अनुभव छ, जुन अन्य कुनै दावेदारसँग छैन । पाण्ड्याले १६ टी–२० अन्तर्राष्ट्रिय खेलमा भारतको कप्तानी समेत गरेका छन्, जसमध्ये टोलीले १० खेल जितेको छ ।
गुजरातलाई पहिलो सिजनमा आइपिएल च्याम्पियन बनाएका हार्दिक हाल मुम्बई इण्डियनको समेत कप्तान रहेका छन् । पाण्ड्याले भारतलाई ९० प्रतिशत द्विपक्षीय शृङ्खलामा जित दिलाउनु भएकाे छ । त्यस्तै कप्तानीको दौडमा सुर्यकुमार यादव पनि रहनुभएकाे छ। सूर्यकुमार यादवले आफ्नो बलियो प्रदर्शनका साथ टीम इन्डियाको कप्तान बन्ने दाबी गरिरहनुभएकाे छ ।
त्यस्तै कप्तानीको दौडमा ऋषभ पन्त रहनुभएकाे छ । कार दुर्घटनापछि क्रिकेटमा पुनरागमन गरेका पन्तले अहिले उत्कृष्ट प्रदर्शन गरिरहनुभएकाे छ ।
यी बाहेक हाल गुजरात टाइटन्सका कप्तान रहेका शुभमन गिललाई रोहित शर्मापछि भारतको सबै फर्म्याटको कप्तानको रुपमा हेरिएको छ । पहिलो पटक गुजरातको कप्तानी गरेका गिलले धेरैलाई प्रभावित समेत गरिसक्नुभएकाे छ ।
त्यस्तै आइपिएल टिम लखनउ सुपर जाइन्टका कप्तान रहेका केएल राहुल पनि टी२० टिमको कप्तान बन्न सक्ने बताइएको छ ।
त्यसैगरी जसप्रित बुमराह पनि टी २० टिमको कप्तानीको दौडमा रहेका छन् । जसप्रित बुमराह, भारतीय टोलीमा ट्रम्प कार्डको रुपमा रहनुभएकाे छ ।
यो पनि पढ्नुहोस्
भारतीय टिमको कप्तानमा तीन दाबेदार
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच