शैल्यशिखरका कृषि प्राविधिक अधिकृत धामीसहित २ जनाविरुद्ध मुद्दा दायर

हिमालय टाइम्स

२ भाद्र २०८१, आइतबार १६:३७

Read Time = 1 min

डिजिटल संस्करण

समाचार

A A- A+

काठमाडौं । दार्चुलाको शैल्यशिखर नगरपालिकाका कृषि प्राविधिक अधिकृत मोहनसिंह धामी र कृषि नायब प्राविधिक सहायक अशोकसिंह धामीविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ ।

कृषि समूहको बिल भुक्तानी गर्ने क्रममा सेवाग्राहीसँग घुस लिएको आरोपमा पक्राउ परेका उनीहरूविरुद्ध आइतबार विशेष अदालत काठमाडौंमा मुद्दा दायर गरिएको आयोगले जनाएको छ ।

आयोगका प्रवक्ता नरहरि घिमिरेका अनुसार उनीहरू सेवाग्राहीबाट लिएको नगद ४ लाख १२ हजार रुपैयाँ, अशोकसिंह धामीको नाममा काटिएको ५ लाख रुपैयाँको चेकसहित पक्राउ परेका थिए ।

कृषि समूहको बिल भुक्तानी गर्दा सेवाग्राहीसँग घुस मागेको सूचनाका आधारमा आयोगको कार्यालय, कञ्चनपुरबाट खटिएको टोलीले उनीहरूलाई नियन्त्रणमा लिएको थियो ।

सरोकार

अदालत

यो खबर पढेर तपाईलाई कस्तो महसुस भयो ?