धादिङ । धादिङको नेत्रावती डबजोङ्ग गाउँपालिका स्थित मार्पाक सामुदायिक क्लबको एम्बुलेन्स काठमाडौमा अलपत्र रुपमा थन्किएको छ । क्लबको नाममा रहेको एम्बुलेन्स काठमाडौंमा व्यवारीसे अवस्था थन्किएर बसेको हो ।
मार्पाक सामुदायिक क्लबले करिब १० बर्ष अगाडी देखि सञ्चालनमा ल्याएको एम्बुलेन्स करिब ३ बर्ष मात्र सञ्चालनमा आएको र अहिले काठमाडौको बनस्थलीमा थन्किएर बसेको क्लबका अध्यक्ष सुदिप अधिकारीले जानकारी दिनुभयो । हाल बनस्थलीको एक ग्यारेजमा थन्किएको उक्त एम्बुलेन्सको ४ वटै टायर फेर्नुपर्ने अबस्थामा रहेको छ ।
उक्त एम्बुलेन्सलाई फुल सर्भिसिङ्ग गरि आबश्यक मर्मत संभार पनि गर्नुपर्ने देखिएकोले करिब ७० हजार देखि १ लाखसम्म खर्च हुने देखिएको छ । करिव ७ बर्ष सम्म एम्बुलेन्स थन्किनु र मर्मत नगर्नु के कारणले हो यो भने शंकाको विषय बनेको छ । कम मूल्यमा मर्मत हुँदा किन मर्मत भएन एकातिर प्रश्न उठेको छ, भने अर्का तिर ७ वर्ष सम्म किन एम्बुलेन्स थन्कियो ? क्लवले किन यसको निगरानी गरेन जस्ता प्रश्नले शंका पैदा भएको छ । कतै क्लवका जिम्मेवारी ब्यक्तिले त यसको भ्रष्ट्राचार गरेको छैन् ? यो शंकाको विषय बनेको छ ।
यस विषयमा एम्बुलेन्स चालक कुबिर अधिकारी समक्ष बुज्दा क्लवका अध्यक्षले तलव नदिएकाले आफुले एम्बुलेन्सको चाबी काठमाडौको बनस्थलीमा उहाँलाई बुझाएको बताउनुभयाे । आफुले १८ महिनादेखी तलब नपाएकाे र तलव नपाएपछि काम के गर्नु भनेर चावी बुझाएको उहाँको भनाई छ ।
धादिङ जिल्लाभरी कार्यक्षेत्र रहेको उक्त क्लबमा हाल अध्यक्ष सुदिप अधिकारी, महासचिब अनिल अधिकारी र कोषाध्यक्ष अजय अधिकारी लगायत कुल १७ जनाको क्लब संचालक कार्यसमिति रहेको छ । गाउँमा विरामीहरुको लागि सहयोग तथा सेवा सुविधा उपलब्ध गराउने उद्धेश्यका साथ करिब ३ वर्ष अगाडी देखि एम्बुलेन्स सञ्चालनमा आएको थियो । जसमा एम्बुलेन्स संचालन समिति र एम्बुलेन्स संचालन सल्लाहकार समिति समेत बनाएको थियो ।
केही समय राम्रोसँग काम गर्यो अहिले केही काम भएन् । गाउँमा एम्बुलेन्स आएसँगै स्थानीयहरु हर्षित मात्र भएन् गाउँकै मुहार परिवर्तन भएको चर्चा गरेका थिए । तर अहिले गाउँमा भएको एउटा एम्बुलेन्स पनि थन्किएर बस्दा गाउँनै अध्यारो जस्तो भयो । कतै कमिसन र लेनदेनमा कुरा नमिलेर यो अवस्था आएको हुनसक्ने स्थानियकाे शंका छ ।
एम्बुलेन्स संचालन समितिका अध्यक्ष बिष्णु अधिकारी रहेको उक्त समितिमा रवि अधिकारी महासचिब र उत्तम अधिकारी कोषाध्यक्षसहित १५ सदस्यीय एम्बुलेन्स संचालन समिति थिए । साथै यम बहादुर अधिकारी मुख्य सल्लाहकार रहने गरी गरि ७ जनाको सल्लाहकार समिति समेत बनाइएको क्लबका अध्यक्ष अधिकारीको भनाई छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच