रोनाल्डोको गोलसँगै जोगियो युनाइटेड

१७ बैशाख २०७९, शनिबार ०५:२८

Read Time = 1 min

खेलकुद

A A- A+

लण्डन । क्रिस्टियानो रोनाल्डोले बराबरी गोल फर्काएपछि प्रिमियर लिगमा म्यानचेस्टर युनाइटेड हारबाट जोगिएको छ । एक गोलले पछि परेको अवस्थामा रोनाल्डोले बराबरी गोल फर्काएपछि युनाइटेडले चेल्सीसँग १-१ गोलको बराबरी खेलेको हो ।

घरेलु मैदान ओल्ड ट्राफोर्डमा युनाइटेडविरुद्ध चेल्सीका लागि मार्काेस अलन्सोले पहिलो गोल गर्नुभएको थियो । उहाँले खेलको ६०औं मिनेटमा मार्काेस अलन्सोको गोलबाट चेल्सीलाई अग्रता दिलाउनुभएको हो । त्यसको दुई मिनेटमै रोनाल्डोले बराबरी गोल फर्काउनुभयो । ६२औं मिनेटमा नेमान्जा माटिचको पास रोनाल्डोले बराबरी गोल फर्काउनुभएको हो ।

यो बराबरीसँगै प्रिमियर लिगको अंक तालिकामा कुनै फेरवदल भएको छैन । चेल्सी ३३ खेलबाट ६६ अंक जोडेर तेस्रो स्थानमा तथा युनाइटेड ३५ खेलबाट ५५ अंक जोडेर छैटौं स्थानमा छ ।