आजदेखि निर्माण व्यवसायीको बालुवाटार धर्ना

Read Time = 2 mins
A A- A+

वैशाख । नेपाल निर्माण व्यवसायी महासंघले बिहीबारदेखि प्रधानमन्त्री निवास बालुवाटारमा धर्ना दिने भएको छ । एकघण्टे धर्ना कार्यक्रम बिहान ९ बजेदेखि १० बजेसम्म सञ्चालन हुने महासंघका महासचिव रोशन दाहालले बताउनुभयो ।

वैशाख ८ गतेदेखि महासंघले सार्वजनिक खरिद अनुगमन कार्यालयमा एक घण्टा धर्ना दिँदै आएकोमा बिहीबारदेखि धर्नास्थल परिवर्तन गर्न लागेको हो । महासंघ अध्यक्ष रवि सिंह नेतृत्वको प्रतिनिधिमण्डलले बुधबार पनि सार्वजनिक खरिद अनुगमन कार्यालयअगाडि धर्ना दिएको थियो ।

व्यवसायीका मागका विषयमा प्रधानमन्त्री, मन्त्री, मुख्य सचिव, सचिवलगायतलाई समयमा नै अवगत गराइए पनि सम्बोधन नभएकाले बाध्य भएर आन्दोलन गर्नुपरेको महासंघका अध्यक्ष सिंहले बताउनुभयो ।

आन्दोलनको कार्यक्रमअन्तर्गत ७७ जिल्ला संघले बिहीबार पनि आ-आफ्ना जिल्लामा रहेका जिल्ला प्रशासन कार्यालयमा र सातवटै प्रदेश महासंघले प्रदेश प्रमुखको कार्यालयमा एक घण्टा धर्ना दिएको महासंघले जनाएको छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?