नियमित काममा फर्किँदै एआईजी थापा

२१ बैशाख २०७९, बुधबार १०:५७

Read Time = 1 min

समाचार

समाज

A A- A+

काठमाडौं । नेपाल प्रहरीका प्रहरी अतिरिक्त महानिरीक्षक (एआईजी) सहकुलबहादुर थापा आजदेखि नियमित काममा फर्किने हुनुभएको छ ।

प्रहरी महानिरीक्षक (आईजीपी) बढुवाप्रति असन्तुष्ट थापा १० दिन विदामा बस्ने पक्षमा हुनुहुन्थ्यो । तर, सोमबार गृहमन्त्री बालकृष्ण खाणसँग भेटघाट भएपछि उहाँ काममा विदा नबसेर काममा फर्किन तयार हुनु भएको हो ।

थापा कनिष्ठ एआईजीलाई आइजीपी बनाएपछि असन्तुष्ट हुनुहुन्थ्यो । वरिष्ठताका आधारमा थापा दोस्रो वरियताका एआईजी हुनुहुन्थ्यो भने पहिलो वरियतामा विश्वराज पोखरेल हुनुहुन्छ ।

पोखरेल भने न्यायका लागि भन्दै सर्वोच्च अदालत पुगेका छन् । थापा भने अदालत जानु भएन । उहाँ प्रहरीको कार्य विभागको नेतृत्वमा हुनुहुन्छ । सोही विभागले नै निर्वाचन सुरक्षा मामिला हेर्ने गर्छ ।

निर्वाचनको संघारमा गृहमन्त्री खाणले थापालाई विदा नबसी सहयोग गरिदिन आग्रह गर्नुभएको थियो ।