काठमाडौं । नेपाललाई मध्यम आययुक्त देशमा स्तरोन्नति गर्ने सरकारको लक्ष्यमा सघाउन अमेरिकाले झण्डै ८० अर्ब रुपैयाँ बराबरको सहयोग प्राप्त गर्ने भएको छ । अमेरिकाले अन्तर्राष्ट्रिय विकासका लागि अमेरिकी नियोग (युएसएड) अन्तर्गत ७९ अर्ब ७१ करोड सहयोग प्रदान गर्ने भएको छ । उक्त सम्झौता अवधि योजना पाँच वर्षको हुनेछ ।
बिहीबार अर्थ मन्त्रालयमा आयोजित एक कार्यक्रमबीच अन्तर्राष्ट्रिय विकासका लागि अमेरिकी सहयोग नियोग (युएसएआइडी) का निर्देशक सेपिदेह केवंशद र अर्थ मन्त्रालयको अन्तर्राष्ट्रिय आर्थिक सहयोग समन्वय महाशाखाका प्रमुख ईश्वरीप्रसाद अर्यालले सम्झौतापत्रमा हस्ताक्षर गर्नुभएको हो । प्राप्त सहयोग रकमलाई रातो किताबमा समावेश गरी पारदर्शीरूपमा कार्यान्वयन अघि बढाइने अर्थ मन्त्रालयले जनाएको छ ।
सो अवसरमा युएसएडकी निर्देशक केवंशदले पाँच वर्षसम्म सञ्चालन हुने सहायता सम्झौताले अमेरिका र नेपालबीचको सहयोग र सहकार्यको बृहत् विकास क्षेत्रको रूपरेखा प्रस्तुत गरेको भन्दै नेपालको सामाजिक-आर्थिक उन्नयनमा योगदान गर्ने विश्वास व्यक्त गर्नुभयो । अर्थ मन्त्रालयका सहसचिव अर्यालले अमेरिकी सहयोगबाट सुदृढ लोकतान्त्रिक शासन, उद्यमशील आर्थिक वृद्धि, प्राकृतिक प्रकोप र जलवायु परिवर्तनको जोखिममा रहेका समुदायको प्रतिरोधात्मक क्षमता बढाएर नेपालको दिगो विकासमा टेवा पुग्ने बताउनुभयो ।
अर्थ मन्त्रालयका अनुसार सहयोग रकम नागरिक समाज र निजी क्षेत्रसँगको साझेदारीमा गुणस्तरीय शिक्षा एवं स्वास्थ्य प्रणाली, दिगो ऊर्जा र कृषि विकासमा उपयोग गरिनेछ ।
Like
Love
Happy
Surprised
Sad
Excited
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र