इस्लामावाद । अविश्वासको प्रस्तावमार्फत हटाइएका पाकिस्तानका पूर्वप्रधानमन्त्री इमरान खानले आफू सत्तामा रहँदा देशमा सैन्य आधार स्थापना गर्ने अमेरिकी मागसँग कहिल्यै सहमत नभएको दोहोर्याउनुभएको छ ।
पूर्वक्रिकेटरसमेत रहनुभएका खान गत महिना संसद्मा अविश्वासको प्रस्तावमार्फत् पदमुक्त हुनुभएको थियो । आफूलाई सत्ताच्युत गर्न अमेरिकाले षड्यन्त्र गरेको आरोप उहाँले लगाउँदै आउनुभएको छ ।
अविश्वासको प्रस्तावबाट हट्ने उहाँ पाकिस्तानका पहिलो प्रधानमन्त्री हुनुहुन्छ । एक भिडियो सन्देशमा विदेशमा रहेका पाकिस्तानीहरूलाई सम्बोधन गर्दै खानले, अमेरिकाले ‘अफगानिस्तानमा सम्भावित आतंकवादविरुद्ध प्रत्याक्रमण गर्न’ पाकिस्तानमा आधारहरू चाहेका र आफ्ना लागि सो प्रस्ताव बिल्कुल अस्वीकार्य भएको बताउनुभयो ।
पाकिस्तानले अमेरिकी नेतृत्वमा भएको ‘आतंकवादविरुद्धको युद्ध’मा ८० हजारले ज्यान गुमाएको र अझै पनि बलिदानको कदर नगरिएको भन्दै उहाँले त्यसको दोष अमेरिकी राजनीतिज्ञहरूलाई लगाउनुभएको छ । एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच