पाँचथरमा ६० प्रतिशत मत खस्यो, भोलिबाट गणना

३० बैशाख २०७९, शुक्रबार १९:२१

Read Time = 1 min

प्रदेश समाचार

A A- A+

-जितेन्द्र भण्डारी

पाँचथर । पाँचथरमा करिब ६० प्रतिशत मतदान भएको छ । प्रारम्भिक तथ्यांक अनुसार ६० प्रतिशत मत खसेको जिल्ला निर्वाचन कार्यालय पाँचथरका प्रमुख कुमार भट्टराईले बताउनुभयो ।

८ वटा स्थानीय तह रहेको पाँचथरमा सवै पालिकाको केन्द्रमानै मतगणना हुने भएको हो । मतपेटिका ल्याउन समय लाग्ने भएको हुँदा भोलि बिहानबाट मात्रै मतगणना हुन सक्ने जिल्ला निर्वाचन कार्यालय पाँचथरले जनाएको छ ।

पाँचथरका १ सय १ मतदान स्थलमा रहेका १ सय ७६ मतदान केन्द्रमा शान्तिपूर्ण तरीकाले मतदान सम्पन्न भएको छ । पाँचथरका आठ स्थानीय तहमा १ लाख ४० हजार २ सय २५ जना मतदाता रहेका छन् । जिल्लामा शान्त,सौहार्द वातावरणमै चुनाव सम्पन्न भएको हो ।