मिनु र चन्द्रकला अंकका आधारमा पराजित

३१ बैशाख २०७९, शनिबार ०५:२७

Read Time = 2 mins

खेलकुद

A A- A+

काठमाडौं । टर्किको ईस्तानबुलमा जारी आईवा उमन वल्र्ड बक्सिङ च्याम्पियनशिपमा फ्लाई तौलसमूह ५० देखि ५२ किलो तौल समूहमा नेपाली खेलाडी मिनु गुरुङ जापानका खेलाडी रिन्का किनोसितासँग अंकको आधारमा पराजित हुनुभएको छ ।

त्यसैगरी अर्का खेलाडी चन्द्रकला थापा पनि ५४ देखि ५७ तौल समुहमा भारतीय खेलाडी मनीषसँग अंकको आधारमा पराजित हुनुभएको छ । रिन्का जापानका च्याम्पियन खेलाडी हुनुहुन्छ भने मनिषा सन् २०१८ मा भारतमा भएको वल्र्ड च्याम्पियनसिप बक्सिङ खेलमा क्वार्टर फाइनलमा पुग्नुभएको खेलाडी हुनुहुन्छ ।

यसअघि अर्की नेपाली खेलाडी सुस्मा तामाङ ४६ देखि ४८ तौल समुहमा मंगोलियन खेलाडीसँग स्पिलट निर्णयका आधारमा पराजित हुनुभएको छ । आत्मविश्वासका साथ फाइट गर्नुभएकी सुस्माले पहिलो राउण्डमा दोस्रोे र तेस्रो राउण्डको तुलनामा कम पञ्च प्रहार गर्नुभएको थियो । अन्त्यमा निर्णय ३ः२ को आधारमा मंगोलियन खेलाडीको पक्षमा गएको थियो ।