काठमाडौं । नेपाली राष्ट्रिय क्रिकेट टिमका उपकप्तान सीता रानामगरको उत्कृष्ट प्रदर्शनमा यूएईमा जारी फेयर ब्रेक इन्भिटेसनल क्रिकेटमा टोर्नाडोस वुमेन्सले जित हात पारेको छ । दुबईमा बिहीबार भएको खेलमा टोर्नाडोसले फाल्कोन्स वुमन्सलाई सात विकेटले हराएको हो ।
फाल्कोन्सले दिएको १३९ रनको लक्ष्य टोर्नाडोसले १९ ओभर तीन बलमा तीन विकेट गुमाएर पूरा ग¥यो । टोर्नाडोसको जितमा कप्तान सोफी डिभाइनले ५२ रनको अर्धशतकीय इनिङ खेल्नुभएको थियो । त्यस्तै स्टेर कालिसले ५० रन जोड्नुभयो । नेपालकी सीता रानामगर १८ रनमा अविजित रहनुभएको थियो । फाल्कोन्सका गुञ्जन शुक्लाले २ विकेट लिनुभयो ।
त्यसअघि पहिले ब्याटिङ गरेको फाल्कोन्सले २० ओभरमा चार विकेट गुमाएर १३८ रन जोडेको थियो । फाल्कोन्सका कप्तान सुजि बाटेसले अविजित ४१ रन जोड्दा डानीले ३२ रन थप्नुभयो । मारिको हिलले २१ तथा चमारीले २० रन बनाउनुभयो । बलिङतर्फ सिताले तीन ओभरमा १९ रन खर्चिनुभयो । उहाँले एक विकेट समेत हात पार्नुभयो । यस जितसँगै टोर्नाडोसले पाँच खेलमा ११ अंक जोडेको छ । टोर्नाडोस तेस्रो स्थानमा रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच