बार्सिलोना । स्पेनिस ला लिगामा बार्सिलोनाले पुनरागमन जित दर्ता गरेको छ । लास पाल्मासविरुद्ध २-१ को जित निकाल्ने क्रममा बार्सिलोनाका लागि फेरान टोरेस र इल्काए गुण्डोगानले १-१ गोल गर्नुभयो । खेलको १२औँ मिनेटमा मुनिर एल हाडाडीले गोल गर्दै लास पाल्मासलाई अग्रता दिलाउनुभएको थियो । बार्सिलोनाले ५५औँ मिनेट बराबरी गोल गर्यो । सर्जी रोबर्टोको पासमा टोरेसले गोल गर्दै खेल बराबरीमा ल्याउनुभयो ।
दोस्रो गोल भने खेलको अन्तिम समयमा आयो । इन्ज्युरी समयको पहिलो मिनेटमा डेली सिन्कग्राभेनले गुन्डोगान माथि फाउल गरेपछि बार्सिलोनाले पाएको पेनाल्टीमा गुण्डोगान आफैँले गोल गर्दै जित सुनिश्चित गर्नुभयो ।
बार्सिलोना जितसँगै १९ खेलमा ४१ अंकसहित तेस्रो स्थानमा उक्लिएको छ । पहिलो र दोस्रो रहेका रियल म्याड्रिड र जिरोनाको समान ४८ अंक छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच