एजेन्सी/स्पेनका महिलाहरूलाई महिनावारीको समयमा हुने पीडाका लागि स्पेन सरकारले हरेक महिनामा तीन दिन अतिरिक्त बिदा दिने निर्णय गरेको छ । पश्चिमका देशहरूमा महिनावारीको समयमा महिलालाई यसरी बिदा दिने पहिलो देश स्पेन हो । महिनावारीको समयमा हुने पीडाका लागि दिइने बिदाको सीमा तीन दिन तोकिएको छ ।
महिनावारीको समयमा अतिरिक्त तीन दिन बिदा दिने देशहरूमा जापान, दक्षिण कोरिया, इन्डोनेसिया र जाम्बिया रहेका थिए भने अब यो सूचीमा स्पेन पनि थपिएको छ । स्पेन सरकारले यसको उद्देश्य महिलाहरूलाई असहृय पीडाका बेला सहयोग होस् भन्ने रहेको जनाएको छ । त्यसैगरी स्पेनमा स्यानिटरी प्याड र ट्याम्पोनबाट पनि भ्याट हटाइने भएको छ ।
महिनावारीका बेला कतिपय महिला तथा किशोरीहरूलाई अत्यधिक पीडा हुन्छ । महिनावारी हुँदा केहीलाई धेरै पेट दुख्ने, बान्ता आउने, वाक्वाकी लाग्ने, ढाड र कम्मर दुख्ने जस्ता समस्याहरू देखा पर्छन् । यस्तो बेलामा खान मन नलाग्ने र दैनिक काम गर्न बाधा हुने हुन्छ ।
चिकित्सिकका अनुसार महिनावारीमा पेट दुख्नु प्राकृतिक हो । यो वंशाणुगत पनि हुन्छ । महिनावारीका बेला शरीरमा हर्मोनमा परिवर्तन हुन्छ । यो बेला पाठेघरभित्रबाट रगत बाहिर निस्कन्छ । रगत बाहिर निकाल्न पाठेघर प्राकृतिकरूपमै खुम्चिन्छ । पाठेघर खुम्चिएर रगत बाहिर निस्कने क्रममा पेट दुख्छ ।
Like
Love
Happy
Surprised
Sad
Excited
Angry
राज्यको धरपकडले निजी क्षेत्र त्रसित
विष्णुपुराण संक्षिप्त चर्चा
हात्ती आयो हात्ती आयो फुस्सा
नेपालीमूलका रानाभाट दम्पती बेलायतको लन्डन
साहित्य परिषद् भूटानको अध्यक्षमा खेम
सीपमूलक शिक्षामा जोड दिँदै काठमाडौं