-देवेन्द्र खड्का
महेन्द्रनगर । कञ्चनपुरको भीमदत्त नगरपालिकाको नगरकार्यपालिकाले पूर्णता पाएको छ । नगर कार्यपालिका निर्वाचनबाट चुनिएका आठ जना सदस्यले मंगलबार नगरपालिकाको सभाहलमा सपथ लिएसँगै कार्यपालिका संयन्त्रले पूर्णता पाएको हो ।
मेयर, उपमेयर र वडाअध्यक्षहरू स्वतः कार्यपालिको सदस्य रहनेमा आठ जना निर्वाचनको माध्यमबाट पूर्ति गर्नुपर्ने प्रावधान छ । संविधानतः निर्वाचित जनप्रतिनिधिद्वारा नगर कार्यपालिका सदस्यमा महिला पहँच जना र दलित र अल्पसंख्यकबाट तीन जनालाई स्थानीय तहको निर्वाचनको अन्तिम मतपरिणाम आएको १५ दिनभित्र चुनिनुपर्ने प्रावधान रहेको छ ।
नगरपालिकाको निर्वाचनको अन्तिम मतपरिणाम जेठ ८ गते आइतबार घोषणा गरिएको थियो । मंगलबार प्रमुख निर्वाचन अधिकृत मदन धामीको अध्यक्षतामा नगरप्रमुख पदम बोगटीले निर्वाचित हुने कार्यपालिका सदस्य (महिला सदस्य तर्फ) वडा नं. ७ का लक्ष्मी कार्की, वडा नं. २ का बसन्ती देवी जोशी, वडा नं. १८ का सीता देवी भण्डारी, वडा नं. १५ का यशोधा खड्का र वडा नं. ९ का अञ्जली देवी बोहरालाई सपथ खुवाउनुभएको थियो । यस्तै (दलित र अल्पसंख्यक तर्फ) वडा नं. ४ का गणेश आग्री,वडा नं. १८ का चक्र सुनार र वडा नं. १९ का हरिहर दमाईले पनि सपथ खानुभएको छ । उहाँहरू सबै नेपाली कांग्रेसबाट निर्वाचित हुनुभएको हो ।
गत वैशाख ३० गते सम्पन्न निर्वाचनमा नेपाली कांग्रेसबाट मेयर, उपमेयर र १३ वडा अध्यक्षसहित ८४ जना, एमालेबाट तीन वडाअध्यक्षसहित आठ, माओवादी केन्द्रबाट दुई वडाअध्यक्षसहित चार जना र स्वतन्त्रबाट एक वडाअध्यक्ष निर्वाचित भएका थिए ।
नगरपालिकाको कार्यपालिका बैठकमा अब कांग्रेसबाट २३, एमालेबाट तीन, माओवादी केन्द्रबाट दुई र स्वतन्त्रबाट एक जना रहनेछन् । निर्वाचित कार्यपालिका सदस्यको प्रमाण पत्र वितरण तथा सपथ ग्रहण कार्यकममा नगरप्रमुख बोगटीले निर्वाचित कार्यपालिका सदस्यलाई बधाई दिँदै नगरको विकासको लागि सबैले मिलेर काम गर्नुपर्नेमा जोड दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच