क्रोयसिया र फ्रान्सको बराबरी

Wednesday June 8, 2022

Read Time = 2 mins

खेलकुद

A A- A+

काठमाडौं । क्रोएसियाले सोमबार राती नेसन्स लिगमा फ्रान्सलाई एक-एकको बराबरीमा रोकेको छ । फ्रान्सले दुई खेलसम्म जित निकाल्न सकेको छैन । पहिलो खेलमा फ्रान्स डेनमार्कसँग दुई–एकले पराजित भएको थियो । क्रोएसिया पनि अस्ट्रियासँग ३-० ले निराश भएको थियो ।

स्पेनलाई हराउँदै फ्रान्सले गत संस्करण नेसन्स लिगको उपाधि जितेको थियो । यसअघि ५२औँ मिनेटमा एड्रिन राबियोटको गोलमा फ्रान्सले अग्रता लिएको थियो । खेल सकिन सात मिनेट बाँकी रहँदा क्रोएसिया खेलमा फर्किएको थियो ।

क्रोएसियाका लागि एन्डरेज क्रामारिचले पाएको पेनाल्टीको सदुपयोग गर्दै टोलीको लगातार दोस्रो हारको संकट टार्नुभएको थियो । लिग ‘ए’ ग्रुप वानमा शतप्रतिशत नतिजा निकाल्नेक्रममा डेनमार्कले अस्ट्रियालाई दुई-एकले हरायो ।

दुई खेलमा डेनमार्कको ६ अंक छ भने दोस्रो स्थानको अस्ट्रियाको तीन अंक छ । तेस्रो स्थानको फ्रान्स र चौथो स्थानको क्रोएसियाको समान एक–एक अंक छ ।

यो खबर पढेर तपाईलाई कस्तो महसुस भयो ?