काठमाडौं । आउँदो असार ३ गतेबाट देशव्यापी प्रदर्शनमा आउने तयारीमा रहेको नयाँ नेपाली चलचित्र ‘चिसो मान्छे’ सेन्सर पास भएको छ । चलचित्रलाई सेन्सर बोर्डले युनिभर्सल सर्टिफिकेट दिएको हो । अब सबै वर्गका दर्शकले सहज रूपमा चलचित्र हेर्न पाउने छन् । ‘चिसो मान्छे’ले सार्वजनिक पोष्टर, टिजर र ट्रेलरबाट दर्शकमाझ ठूलो हाइप बनाएको छ ।
निर्देशक दीपेन्द्र के खनाल आफ्ना हरेक चलचित्रमा समाजभित्रको गम्भीर विषयलाई सूक्ष्म रूपमा उठाउँदै आउनुभएको छ । चलचित्रमा शर्मिला पाण्डेको लगानी छ ।
सेन्सरबाट पाएको प्रतिक्रियाले आफूहरू उत्साहित भएको निर्देशक खनालले बताउनुभएको छ । चलचित्रले विदेशबाट आएको शव गाडीमा लिएर काठमाडौंदेखि बाजुरासम्मको यात्रा गरेका तीन पात्रको कथा प्रस्तुत छ । चलचित्रको कथा, पटकथा, संवाद तथा छायांकन स्वयंम निर्देशक खनालले लेख्नुभएको हो । चलचित्रको सम्पादन दीर्घ खड्काले गर्नुभएको छ ।
डिएस डिजिटलको व्यानरमा निर्माण भएको चलचित्रमा देशभक्त खनाल, स्वस्तिमा खड्का, अर्पण थापा, आशान्त शर्मा, झकेन बीसी, प्रभाकर न्यौपाने, रामबाबु रेग्मी, संयोग रसाइली, पुष्पा अवस्थी, सृष्टि आचार्य, विकास खनाललगायत कलाकारको अभिनय छ ।
Like
Love
Happy
Surprised
Sad
Excited
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र