अर्घाखाँची । सन्धिखर्कमा छाडा छोडिएका कुकुरलाई रेविजविरुद्धको निशुःक खोप लगाइएको छ ।
नेपाल पशु स्वास्थ सेवा प्राविधिक संघ (नेल्टा) अर्घाखाँचीका अध्यक्ष प्रदीप आचार्यसहितको टोलीले सन्धिखर्क बजारका मुख्य स्थानमा कुकुरलाई रेविजविरुद्धको खोप लगाएको हो ।
नेल्टाको स्थापना दिवसको अवसरमा खोप लगाइएको उहाँले बताउनुभयो । उहाँहरूले अर्घाखाँची अस्पताल पुगेर बिरामीहररूलाई हर्लिक्स तथा विस्कुट वितरणसमेत गर्नुभएको थियो ।
लायन्स क्लबको सहआयोजनामा नेल्टाले बिरामीका लागि हर्लिक्स वितरणसहित सन्धिखर्क बजारमा कुकुरलाई खोप लगाएको हो ।
