काठमाडौं । भारतको व्यावसायिक गल्फ टुर, प्रोफेसनल गल्फ टुर अफ इन्डिया (पिजिटीआई) मा सहभागिता जनाउन लागेका नेपालका नम्बर १ प्रो गल्फर शुक्रबहादुर राईलाई विभिन्न व्यक्ति तथा संस्थाहरूले सहयोग गरेका छन् ।
प्रतियोगिताका लागि शुक्रलाई विभिन्न १३ व्यक्ति एवं संस्थाका तर्फबाट संकलित आठ लाख रुपैयाँसमेत हस्तान्तरण गरिएको छ । शुक्रले आगामी एक वर्ष पिजिटिआई खेल्न र एक महिना बेंग्लोरस्थित तरुण सरदेशाई गल्फ एकेडेमीमा प्रशिक्षण गर्नुहुनेछ । उक्त प्रशिक्षणको शुल्कमा लाग्ने खर्च विभिन्न व्यक्ति तथा संस्थाले सहयोग गरेका हुन् । ‘यो कदमले मलाई पिजिटिआईमा निकै सहयोग पुग्नेछ ।
आफ्नातर्फबाट सक्दो राम्रो प्रयास गर्नेछु । सहयोग गर्नुहुने सबैलाई धन्यवाद भन्न चाहन्छु,’ शुक्रले सहयोग ग्रहण गरेपछि भन्नुभयो ।
शुक्रले २० जुलाईदेखि १४ अगस्टसम्म एक महिना बेंग्लोरमा प्रशिक्षण लिनुहुनेछ । त्यसपछि उहाँ लगातार पिजिटिआईको प्रतियोगितामा व्यस्त रहनुहुनेछ ।
पिजिटिआईअन्तर्गत शुक्रले अगस्ट १७ देखि डिसेम्बर १८ सम्म १६ प्रतियोगितामा प्रतिस्पर्धा गर्न पाउनुहुनेछ । यी प्रतियोगिताको पुरस्कार राशि ४० लाख भारतीय रुपैयाँदेखि तीन करोड भारतीय रुपैयाँसम्म राखिएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच