काठमाडौं । नमुना स्पोर्ट्स क्लबको आयोजनामा ललितपुरको गोदावारीमा १९औँ संस्करणको दिनेश स्मृति गाईजात्रा कप फुटबल प्रतियोगिता यसै साता आयोजना हुने भएको छ । क्लबका अध्यक्ष डम्बरबहादुर स्याङ्तानले प्रतियोगिता २७ र २८ साउनमा हुने जानकारी दिनुभयो । दुईदिने प्रतियोगिता गोदावरी बसपार्कस्थित सेन्ट जेभियर फुटबल मैदानमा हुनेछ ।
प्रतियोगितामा १६ टिमको सहभागिता रहेको छ । सहभागी टोलीलाई दुई समूहमा विभाजन गरिएको छ । नकआउटका आधारमा हुने प्रतियोगिताको विजेताले ३० हजार रुपैयाँ हात पार्नेछ । दोस्रो हुनेले १५ हजार रुपैयाँ हात पार्नेछ ।
यस्तै क्वाटरफाइनलमा पुगेका आठमध्ये फाइनल पुग्ने दुई टोलीबाहेक ६ टोलीबाट पेनाल्टी सुटआउटमार्फत् विजेता छिनोफानो गरिनेछ । विजेताले १० हजार रुपैयाँ हात पार्ने आयोजकले जनाएको छ । एक दर्शकलाई पाँच हजार रुपैयाँ प्रदान गरिने आयोजकले जनाएको छ ।
प्रतियोगितालाई सिरूपाते ट्राउन फार्म एन्ड रिसोर्ट, गोदावरी नगरपालिका, सनराइज बैंक, फ्रिडम एक्सपोर्ट बाराही बिल्डर्स, लिनिङ नेपाल र विद्यासागर बोर्डिङ स्कुललगायतले प्रायोजन गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच