काठमाडौं । नेपाल पुलिस क्लबको महिला टोलीले चौथो टाइगर कपअन्तर्गत समूह ‘ए’ को दोस्रो खेलमा गण्डकी प्रदेशलाई पराजित गर्दै सेमिफाइनलमा स्थान पक्का गरेको छ । गण्डकीले तीन भारतीय खेलाडीलाई अनुबन्ध गरे पनि पुलिसविरुद्ध सोझो सेटको हार बेहोरेको हो । पहिलो सेटमा २५-१० को जित हासिल गरेको पुलिसले दोस्रो सेट २५-९ ले जितेको थियो । तेस्रो सेटमा २५-१६ ले जित हासिल गर्दै पुलिसले प्रतियोगिताको सेमिफाइनलमा स्थान बनाएको हो ।
महिलातर्फ समूह ‘ए’ मा पुलिसको दुई खेलमा चार अंक छ । एपिएफको एक खेलमा दुई अंक रहँदा गण्डकी अंकविहीन छ । बुधबारको खेलमा एपिएफ र गण्डकी भिड्नेछन् । समूह ‘बी’ मा न्यु डायमण्डको एक खेलमा तीन अंक रहँदा आर्मी र हरियाणा टोली भारत अंकविहीन छन् ।
यस्तै, त्रिभुवन आर्मी क्लबको महिला टोलीले समूह ‘बी’ को खेलमा भारतको हरियाणा टोलीलाई पाँचौँ सेटमा पराजित गर्यो ।
आर्मीले सुरुवाती सेट जिते पनि त्यसपछि लगातार दुई सेट गुमाएको खेलमा पुनरागमन गर्दै जित हासिल गरेको हो । यस जितले आर्मी दुई खेलमा दुई अंक जोड्न सफल भयो । हरियाणाले हारका बाबजुद एक अंक जोडेको छ । यस नतिजाले तीन अंक जोडेको न्यु डायमण्ड भने सेमिफाइनलमा पुगेको छ ।
मंगलबार पोखरा रंगशालामा भएको खेलमा आर्मीले पहिलो सेट २५-२२ ले जितेको थियो । त्यसपछि हरियाणाले २५-२० र २५-१८ ले लगातार सेट जित्दै २-१ को अग्रता लियो । आर्मीले चौथो सेटमा २५-१७ र पाँचौँ सेटमा १५-१२ को जित निकाल्दै जित निकालेको हो ।
बुधबारको खेलमा एपिएफ र गण्डकी भिड्नेछन् । समूह ‘बी’ मा न्यु डायमण्डको एक खेलमा तीन अंक रहँदा आर्मी र हरियाणा टोली भारत अंकविहीन छन् ।
पुरुषतर्फ साबिक विजेता घरेलु टोली गण्डकी, पूर्वविजेता आर्मी र हेल्प नेपाल स्पोर्ट्स क्लब समूह ‘ए’ तथा एपिएफ, पुलिस र श्रीलंका आर्मी टिम समूह ‘बी’ मा छन् । महिलातर्फ समूह ‘ए’मा एपिएफ र पुलिसका साथ गण्डकी तथा समूह ‘बी’ मा आर्मी, न्यु डायमण्ड र भारतीय हरियाणा टिम छन् ।
महिला र पुरुष दुवैतर्फको विजेता टोलीले समान पाँच लाख ५५ हजार ५५५, दोस्रो हुनेले दुई लाख ५५ हजार ५५५ तथा तेस्रो हुनेले एक लाख २५ हजार ५५५ रुपैयाँ प्राप्त गर्नेछन् ।
यता, पुरुषतर्फ श्रीलंकन आर्मी टिमले चौथो टाइगर कप भलिबल प्रतियोगितामा विजयी सुरुवात गरेको छ । श्रीलंकन टोलीले एपिएफ क्लबलाई ३-१ को सेटमा हराएको हो ।
पहिलो दिन समूह ‘बी’मा एपिएफले नेपाल पुलिस क्लबलाई ३-० को सोझो सेटमा हराएको थियो । समूहको अन्तिम खेलपछि मात्र सेमिफाइनल पुग्ने दुई टोलीको टुंगो लाग्नेछ । पहिलो सेट २३-२५ ले जितेको एपिएफले त्यसपछिको सेट २५-१९, २५-२१, २५-१३ ले गुमाएको थियो ।
पुलिस र श्रीलंकन टोलीबीच बुधबार खेल हुनेछ । सेमिफाइनल सम्भावनालाई जीवित राख्न पुलिसले सोझो सेटमा पराजित गर्नुपर्नेछ । अन्यथा टोली प्रतियोगिताबाट बाहिरिनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच