वीरगञ्ज । पर्साको वीरगञ्जस्थित बाल सुधार गृह रातभर तनाबग्रस्त भएको छ । मंगलबार राति बाल सुधार गृहमा रहेका कैहीहरूबीच आपसी विवाद भएपछि तनाब उत्पन्न भएको हो ।
सुधारगृहमा रहेका दुई समूहबीच विवाद हुँदा तनाव उत्पन्न भएको कार्यालय प्रमुख टीकाकृष्ण काफ्लेले जानकारी दिनुभयो ।
उहाँका अनुसार आक्रोशित कैदीहरूले सुधारगृहमा तोडफोडसमेत गरेका छन् ।
भक्तपुरबाट आएका कैदी र यहाँका कैदीबीच विवाद भएको उहाँले बताउनुभयो । यसअघि यही भदौ ४ गते भक्तपुरको सानोठिमीस्थित बाल सुधार गृहमा पनि तनाव भएको थियो ।
विवादले झडपको रुप लिँदा केही कैदीबन्दी घाइते पनि भएका छन् । उनीहरुको नारायणी अस्पतालमा उपचार भइरहेको जिल्ला प्रहरी कार्यालय पर्साले जनाएको छ ।
हाल स्थिति सामान्य रहेको प्रहरीले जनाएको छ । सुधार गृहमा अहिले १४९ बाल कैदीबन्दी छन् ।
एक जना कैदीबन्दीको मृत्यु भएपछि उत्पन्न तनावका बीच त्यहाँबाट केही कैदीबन्दीहरू भागेका थिए ।
त्यसपछि भक्तपुरमा रहेका १८ जना कैदीबन्दीलाई वीरगञ्जको बिर्तास्थित बाल सुधार गृहमा पठाइएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच