काठमाडौं । चैतन्य संस्कार शिक्षालय र विद्या विकासले अन्तर स्कुल बास्केटबलको जुनियरतर्फको उपाधि जितेका छन् । शिक्षालयले छात्रातर्फको उपाधि जितेको छ भने शिक्षालयले छात्रतर्फको उपाधि उचालेको छ । टाइम्स लाइन स्कुल आयोजक रहेको उक्त प्रतियोगिताका सबै खेल विद्यालय भवन नयाँ बस्ती जोरपाटीमा भएका थिए । प्रतियोगितामा छात्रतर्फ १७ विद्यालय (टिम) र छात्रातर्फ १६ विद्यालय (टिम) को सहभागिता रहेको थियो ।
लिग कम नकआउटका आधारमा खेलाइएको उक्त खेलमा चैतन्य संस्कारले वेभ्स् स्कुललाई १६-५ अन्तरमा हराउँदै फाइनल जितेको थियो । यस्तै छात्रतर्फ विद्या विकासले निमोनिक स्कुललाई ३६-३२ अन्तरमा हराउँदै फाइनलको उपाधि चुमेको थियो ।
सर्वोत्कृष्ट खेलाडीको उपाधि चैतन्य संस्कार शिक्षालयका छात्रा अरुणिमा दाहालले हात पार्नुभएको थियो भने विद्या विकासका सिकलेशले छात्रतर्फको सर्वोत्कृष्ट खेलाडीको उपाधि जित्नुभएको थियो ।
कार्यक्रममा टाइम्स लाइनसहित चैतन्य संस्कार शिक्षालय, निमोनिक, सेलिब्रेसन, काठमाडौं जेभियर, विद्या विकास, मनकामना बौद्ध, जनज्योति, अक्षरिका, भेनस पब्लिकलगायतका विद्यालयले सहभागिता जनाएका थिए । कार्यक्रमको समापनमा गोकर्णेश्वर नगरपालिकाका मेयर दिपककुमार रिसालले पुरस्कार वितरण गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच