नवलपरासी । नेकपा एमालेका अध्यक्ष केपी शर्मा ओलीले एमाले विदेशी हस्तक्षेपको बिरोध गर्ने पार्टी रहेको बताउनु भएको छ ।
राष्ट्र निर्माणका लागि हस्तक्षेपमुक्त राष्ट्रिय निर्णायक शक्ति आवश्यक रहेको बताउँदै अध्यक्ष ओलीले विदेशी हस्तक्षेप हुन नदिने कुरामा सबै एकजुट हुनु पर्नेमा जोड दिनु भयो ।
एमाले पश्चिम् नवलपरासीको ९औं अधिवेशनको उद्घाटन शत्रलाई सम्बोधन गर्दै उहाँले देशलाई निर्णायक तहबाट विकास गर्नु पर्ने उल्लेख गर्दै बाह्रय शक्तिबाट सहयोग लिए पनि हस्तक्षेप हुन दिन नहुने बताउनु भयो ।अहिले नेकपा एमाले सरकारमा रहेपनि देशको निर्णायक तहमा नरहेको बताउँदै मिसन ८४ मार्फत पार्टीलाई निर्णायक शक्तिमा पुर्याइदिने दावी गर्नुभयो ।
'२०७४ सालको निर्वाचनमा नेकपा एमाले करिब दुईतिहाई नजिक पुगेको थियो। तर केही पुरानै नेतृत्वको बिबेकहीनताले पार्टी फुटको संघारमा पुग्यो' ओलीले भन्नुभयो ।
देशको सीमा रक्षा, स्वाधिनता र अखण्डताका निम्ति नेकपा एमाले बिगतदेखि नै एक्लो रुपमा उभिँदै आएकाले मिसन ८४ नै निर्णायक हुने अध्यक्ष ओलीले बताउनु भयो ।
अध्यक्ष ओलीले आज बिहान सुस्ता क्षेत्रको समेत निरीक्षण गरेको बताउँदै सीमा रक्षाको आवाज उठाउँदा आफू तत्कालीन शासकबाट जेल परेको स्मरण गर्नु भयो। 'तत्कालीन शासकले सीमा रक्षा, स्वाधिनताको रक्षा गर्नु पर्छ भनेर आवाज उठाउँदा अनाहकमा मलाई जेल हाल्यो। तर हामीले अहिलेसम्म पनि यो आवाज उठाउँदै आईरहेका छौँ ' उहाँले भन्नुभयो ।
अधिबेशनको उद्घाटन शत्रमा बोल्दै अध्यक्ष ओलीले पार्टीमा गरेको योगदान र कार्यक्षमताका आधारमा सर्वसम्मत नेतृत्व चयनका लागि सुझाउँदै उहाँले तल्लो तहका आम कार्यकर्ताकै कारण पार्टी जोगिएको बताउनुभयो । ओलीले सुस्ता र रामग्राम स्तुपको समेत अवलोकन गर्नु भएको छ ।
रामग्राम नगरपालिकाका नगरप्रमुख धनपत यादवले अध्यक्ष ओलीलाई रामग्राम स्तुपका बारेमा जानकारी गराउँदै यसको बिकासमा पहल गरिदिन आग्रह गर्नु भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच