महिला भलिवलमा एपीएफ, पुलिस, बागमति र गण्डकी प्रदेश सेमिफाईनलमा प्रवेश

३१ आश्विन २०७९, सोमबार १९:३०

Read Time = 2 mins

खेलकुद

A A- A+

-ध्रुवसागर शर्मा
म्याग्दी । म्याग्दीको सदरमुकाम बेनीमा जारी नवौं राष्ट्रिय खेलकुद अन्तरगत सोमबार भएको महिला भलिवल प्रतियोागितामा एपीएफ, पुलिस, बागमति प्रदेश र गण्डकी प्रदेश सेमिफाईनलमा प्रवेश गरेका छन् ।

सोमबार सम्पन्न चार क्वाटरफाईनलमा एपीएफले लुम्वीनी प्रदेशलाई, बागमतिले सुदुरपश्चिम प्रदेशलाई, पुलिसले आर्मीलाई र गण्डकी प्रदेशले प्रदेश एक लाई पराजित गर्दै सेमिफाईनल प्रवेश गरेका हुन् ।

दर्शकले खचाखच भरीएको खेल मैदानमा भएको पहिलो खेलमा एपीएफले २५–१५, २५–१८, २५–१० को सेटमा लुम्वीनी प्रदेश माथि सोझो सेटको जित निकालेको थियो । बागमतीले २५–१२, २५–१५ र २५–२३ को सेटमा सुदुरपश्चिम माथि जित निकालेको थियो ।

भलिवलप्रेमी दर्शकको भिडमा तेस्रो क्वाटरफाईनलमा नेपाल पुलिस क्लव र नेपाल आर्मीविच कडा प्रतिस्पर्धा भएको थियो । नेपाल पुलिस क्लबले अर्को विभागिय टोली त्रिभुवन आर्मीलाई ३–२ को सेटमा पराजित गरेको थियो । पुलिसले र आर्मी मािथ जित निकाल्दा २५–१३, २५–२०, २३–२५ र पाँचौ तथा निर्णायक सेटमो १५–१३ ले पुलिसले जितेको थियो ।

त्यस्तै गण्डकी प्रदेशले २५–१०, २५–१० र २५– १७ को सेटमा प्रदेश १ माथि जित निकालेको थियो । प्रतियोगितामा एपीएफकी आरती सुवेदी, नेपाल पुलिस क्लवकी टिम क्याप्टेन कमला पुन र प्रदेश १ की पुर्णीमा राई वुमन अफ द म्याच घोषित भएका छन् ।

कात्र्तिक १ गते मंगलबार दुई सेमिफाईनल हुने छन् । सेमिफाईनलमा एपीएफ र बागमती प्रदेश, नेपाल पुलिस क्लव र गण्डकी प्रदेश विच हुने जिल्ला खेलकुद विकास समिति म्याग्दीले जानकारी दिएको छ ।

यो खबर पढेर तपाईलाई कस्तो महसुस भयो ?