-चन्द्रकान्त खनाल
रुपन्देही । भैरहवाबाट परासीतर्फ जादै गरेको कारले स्थानीयलाई ठक्कर दिदा एक शिशुसहित ३ जनाको मृत्यु भएको छ ।
रुपन्देहीको ओमसतिया-४ पननीमा विहान भएको दुर्घटनामा अन्य २ जना घाइते भएका छन । छठ घाट जाने क्रममा स्थानीयलाई भैरहवातर्फबाट गएको गाडीले ठक्कर दिएको थियो, ठक्कर दिए पछि गाडीसहित फरार भएको चालकअझै पक्राउ हुन सकेको छैन । मृतक र घाइते एकै गाँउको रहेको रुपन्देही प्रहरीले जनाएकोे छ ।
जिल्ला प्रहरी कार्यालय रुपन्देहीका प्रमुख प्रहरी उपरिक्षक रविन्द्र रेग्मीकाअनुसार मृतकहरु ओमसतिया-४ पननीकै वर्ष १४ की सिमा कुर्मी, वर्ष २८ की प्रमिला कुर्मी र ३५ दिनको एक शिशु रहेको छन । त्यस्तै शिशुकी आमा २४ वर्षिय बन्दना कुर्मी र सोही ठाउँ बस्ने २६ वर्षिय मन्जु कुर्मी घाइते भएका छन । घाइतेको भैरहवा स्थित युनिभर्सल मेडिकल कलेजमा उपचार भइरहेको छ ।
ठक्कर पछि फरार भएको गाडी प्रहरीले विभिन्न कोणबाट अनुसन्धान गरिरहेको छ भने सडकमा भएका सिसिटिभीहरुकाे भिडियो क्लीपले गाडीको पहिचान भइरहेको छ । स्थानीयकाअनुसार तिव्र गतिमा आएको कारले घटना गराएको हो, हामीले रोक्न खोज्दा पनि पूर्व तर्फ भागेको उनीहरुको भनाई छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच