काठमाडौं । नेपाली कांग्रेसका पुराना नेता तिलकप्रसाद सापकोटाको निधन भएको छ । उहाँको बुधबार भरतपुरस्थित अस्पतालमा ८० वर्षको उमेरमा निधन भएको हो । लामो समयदेखि श्वासप्रश्वास समस्याबाट ग्रसित सापकोटा मंगलबार अपराहृन अस्पताल भर्ना हुनुभएको थियो । सापकोटा विसं. २०१५ सालदेखि कांग्रेसमा सक्रिय हुनुहुन्थ्यो ।
राजनीतिक अभियोगमा २०४० सालदेखि रुपन्देही, पाल्पासहितका जेलमा चार वर्ष बन्दी जीवन बिताउनु भएका सापकोटाले जननेता बिपी कोइरालाबाटै कांग्रेसको सदस्यता लिनुभएको थियो ।
स्वतन्त्र सेनानीका रूपमा चिनिने सापकोटाले २०४० सालदेखि निरन्तर लेखिरहेको दैनिकीको संस्मरण कृति ‘यात्रा निरन्तर’ सांग्रिला बुक्सले गत वर्ष प्रकाशित गरेको थियो । गैंडाकोटमा स्थायी बसोबास रहनुभएका सापकोटाका श्रीमती, सात छोरा र चार छोरी हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच