काठमाडौं । अखिल नेपाल फुटबल संघ (एन्फा) का उपाध्यक्ष दावा लामाले कार्यवाहक अध्यक्षको जिम्मेवारी पाउनुभएको छ । फिफा विश्वकप कतार २०२२ मा सहभागी हुन अध्यक्ष पंकजबिक्रम नेम्वाङ कतार जाने भएपछि लामालाई कार्यवाहक अध्यक्षको जिम्मेवारी प्रदान गरिएको हो ।
अध्यक्ष नेम्वाङ संघको प्रतिनिधिका रूपमा फिफा विश्वकपको उद्घाटन समारोहमा उपस्थित हुन त्यसतर्फ जानुभएको छ । लामालाई मंसिर ३ गतेदेखि ६ गतेसम्मका लागि अध्यक्ष नेम्वाङले कार्यवाहक अध्यक्षको जिम्मेवारी दिनुभएको हो ।
एन्फाको विधानको परिच्छेद ९ को धारा ४४ अनुसार लामालाई कार्यवाहकको जिम्मेवारी दिइएको एन्फाले जनाएको छ । फिफा विश्वकप मंसिर ४ देखि कतारमा सुरु हुँदैछ । फिफा विश्वकप पुस ३ गते सकिँदैछ । दावा गत असारमा भएको निर्वाचनमा उपाध्यक्षमा चुनिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच