विराटनगर । प्रदेश एकले सगरमाथा कप टी-२० क्रिकेट प्रतियोगिताको उद्घाटन खेलमा विभागीय टोली नेपाल पुलिस क्लबमाथि सात विकेटको सानदार जित हात पारेको छ । जितका लागि ६७ रनको सामान्य विजयी लक्ष्य पछ्याएको प्रदेश एकले आठ दशमलब तीन ओभरमा तीन विकेट गुमाउँदै लक्ष्य हात पा¥यो । प्रदेश एकका कप्तान सिद्धान्त लोहनी १८ बलमा तीन चौका र एक छक्कासहित २५ रनमा अविजित रहनुभयो ।
अंकित सुवेदी १४ बलमा दुई चौका र दुई छक्कासहित सर्वाधिक २६ रन बनाउँदै रन आउट हुनुभयो । विधान गोस्वामी तीन, निरज मुखिया सात र श्रवण यादवले चार रन बनाउनुभयो । पुलिसका राशिद खान र योगेन्द्रसिंह कार्कीले एक-एक विकेट लिनुभयो ।
त्यसअघि विराटनगरमा रहेको बैजनाथपुर क्रिकेट ग्राउण्डमा टस हारेर पहिला ब्याटिङ थालेको नेपाल पुलिस क्लबले निर्धारित नौ ओभरमा ६ विकेट गुमाउँदै ६६ रन बनाएको थियोे । पिच गिलो भएपछि ढिलो सुरु भएको खेल नौ ओभरमा झारिएको थियो ।
पुलिसका सुनिल धमला आठ, शंकर राना शून्य, अमित श्रेष्ठ ११, पवन सरार्फ दुई, दीलिप नाथ १४ रनमा आउट हुनुभयो । यस्तै, राशिद खान १४ र योगेन्द्रसिंह कार्कीले सात रन बनाउनुभयो ।
प्रदेश एकका सोनु मण्डलले दुई ओभरमा ६ रन खर्चेर दुई विकेट लिँदै प्लेयर अफ द म्याच चुनिनुभयो । फिर्दोस अन्सारीले दुई ओभरमा १२ रन खर्चेर दुई तथा कमल खत्रीले एक विकेट लिनुभयो । प्रदेश एकले आयोजना गरेको सगरमाथा कपमा तीन विभागीय टोली, भारतका दुई टोली गरी कुल ६ टोली छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच