जबरालाई सर्वोच्च प्रवेश गर्न नदिन धर्ना दिँदै बार

हिमालय टाइम्स

२३ मङ्सिर २०७९, शुक्रबार १०:०१

Read Time = 1 min

डिजिटल संस्करण

समाचार

A A- A+

काठमाडौं । नेपाल बार एसोसियसनले निलम्बित प्रधानन्यायाधीश चोलेन्द्रशमशेर जबरालाई आज पनि सर्वोच्च अदालत प्रवेशमा रोक लगाउने भएको छ ।

संघीय संसद्का महासचिवले जबराविरुद्धको महाभियोग निस्क्रिय भएको पत्र थमाएपछि जबरा सर्वोच्च जान खोजिरहनुभएको छ । उहाँले बुधबार पनि सर्वोच्च प्रवेश गर्ने तयारी गर्नुभएको थियो ।

तर, बार आन्दोलनमा उत्रिएको थियो । बारका अध्यक्ष गोपालकृष्ण घिमिरेले असंवैधानिक रूपमा पत्र लेखिएको पत्रका आधारमा जबरालाई सर्वोच्च अदालत प्रवेश गर्न नदिइने बताउनुभयो ।

त्यसका लागि आज सर्वोच्चको गेटमा धर्ना दिइने उहाँले बताउनुभयो । बिहान पौने १० बजेबाटै सर्वोच्चको गेटमा धर्ना दिइने अध्यक्ष घिमिरेले बताउनुभयो ।

महाभियोग निस्क्रिय भएको भनेर लेखिएको पत्रविरुद्ध दायर रिटमा आज सर्वोच्चको संवैधानिक इजलासमा सुनुवाइ हुँदैछ ।

नेपाल बार एसोसियसन

यो खबर पढेर तपाईलाई कस्तो महसुस भयो ?